“Хишиг-Арван Индустриал”-ийн “тасарсан” оператор автобус унан давхиж хил давах дөхжээ
Нийтэлсэн: 2015-09-16 00:54:06
Өмнөговь аймгийн Цогтцэций сумын 2-р багийн нутагт уул уурхайн үйл ажиллагаа явуулдаг “Хишиг-Арван Индустриал” компаний кемпийн гадна зогсож байсан автобусыг компанийх нь оператор залуу хулгайлан унаж зугтсан хэрэг гарчээ. Оператор Ц.Ө нь ажлаасаа буугаад билет бичүүлэх гэж сумын төв оржээ. Тэнд Сүхбаатар гэдэг найзтайгаа тааран архидаж. Говийн халуунд дорхноо согтсон аж. Буцаж кемпдээ ирээд хувцсаа авах гэтэл харуул нь оруулсангүй. Кемпийн гадаа зогсож байсан 40-43 УНТ дугаартай автобусанд ортол түлхүүр нь зоолттой байжээ. Тэгээд нэг ухаан ороход кемпээсээ гаран Цагаан хадны чиглэлд 190 км хол давхисан байсан гэнэ. Тасарсан мөртлөө тийм хол давхисан нь гайхалтай. Азаар осол аваар хийгээгүй агаад ахиад жаахан л явсан бол хил гарахаар байсан гэнэ. Автобусаа алга болсоныг мэдсэн компанийхан бөөн эрэл сурал болж байж олж авчээ.
