Ц.Элбэгдорж Ц.Оюунгэрэлтэй түнжин хагарсныг Өршөөлийн хуулийн хориг харууллаа
Өршөөлийн хууль олон хүнийг хагаралдуулж муудалцуулсан. Хар гэрт хоригдож суугаа МАН-ынхан УИХ дахь МАН-ыхныг Өршөөлийн хуульд тавьсан хоригийг хүлээн авахаар товчлуур тавьсаныг уучлахгүй нь мэдээж. Ерөнхийлөгчийн хоригийг хүлээн авснаар Ардын намын дотоод зөрчил улам хурцдах нь ойлгомжтой болсон. Дээлээ нөмрөсөн, нөмрөх нь тодорхой болсон нөхөд одоогоор цагаан захтай хэвээрээ байгаа намын журмын нөхдөө засаг цагаанаараа даллах л байх. Ардын намын тухайд иймэрхүү байхад АН-д ч Өршөөлийн хууль өөрийн ул мөрөө үлдээжээ. Мэдээж бас хагарал муудалцаан авчирч. Хамгийн тод ажиглагдсан нь Ц.Элбэгдорж Ц.Оюунгэрэл нар түнжин хагарсан илт мэдрэгдсэн. Цагтаа Ерөнхийлөгчийн ивээлд багтдаг, гар доор нь ажилладаг байсан гишүүн хатагтай энэ удаад эхнээсээ эхлээд л Өршөөлийн хуулийг батлахын төлөө хоригийг хүлээж авахгүй байхын төлөө ярьсаар тэр хэвээрээ үлдлээ. Энэ удаад ч мөн хоригийн эсрэг санал өглөө. Гишүүн хатагтай ингэж шазуур зуун эсэргүүцэж байгаа нь тэдний хооронд маш том хар муур гүйснийг баталж байна. Лав л ахиж эвлэхгүйгээр хагаралдсан гэхэд болох байх.
