Баянхонгор сумын ИТХ-ын төлөөлөгчид хамгийн “хүн чанаргүй” гэнэ
Монголын улстөрчид, намчид, төрийн албанд шургалсан нөхдөөс ёс зүй хүн чанар хайгаад бүтэхгүй болсон. Хамгий адгийн, хамгийн өөдгүй зан үйлдэл урвалт шарвалт, түгжилдэх нь улстөрийн хүрээнийхнээс гардаг. Баянхонгор аймгийн Баянхонгор сумын ИТХ-ын төлөөлөгчд энэ тал дээр тэргүүлж байгаа нь Засаг дарга Ж.Төмөрбааатараа огцруулах гэсэн цаг үе, нөхцөл байдлаас нь харагддаг гэнэ. Хэдий өөрийг нь огцруулах асуудлыг оруулах хэлэлцэх эрх нээлттэй ч амьдралын маш хүнд үед нь зориуд санаатайгаар унагах гэсэн ИТХ-ын төлөөлөгч нартаа тэрээр голдоо ортол гомдсон гэнэ. Тухайн үед Засаг даргын төрсөн дүү нь гэмт этгээдийн гарт өртөж хүнд гэмтэл авсан, мөн эгчийнх нь ач хүү осолд орсон зэрэг хэлж ирдэггүй хийсэж ирдэг гай зовлон тохиолдоод байжээ. Ингээд Засаг даргын шалтгаантай чөлөөтэй байх үед нь сумын ИТХ дэх АН-ын “журмын нөхөд” нь сөрөг хүчин болох Ардын намынхантай нийлэн эзгүйчлээд хагас жилийн ажлыг нь дүгнэж хуралдсан болоод огцруулах шийдвэр гаргаж. Үүнийг хотод хүнд өвчтэй ах дүүгээ сахиж байсан Засаг дарга сонсоод мэд гайхаж цэл хөхөрчээ. Харин түүнийг аймгийн Засаг дарга Д.Жаргалсайхан нь хамгаалж авч гарчээ. Ж.Төмөрбаатарын хэлсэнээр “монгол хүний нинжин сэтгэл, иргэдийн төлөөлөл болсон хүмүүсийн ёс зүй”-г уландаа гишгэсэн ИТХ-ын төлөөлөгчид нь ядаж хотоос ирэхийг нь хүлээж тэсээгүй агаад одоо л огцруулдаг цаг гээд дайрсан гэнэ.
