Д.Сумьяабазарын “зальтайг” яана…
МАН-ын анхан шатны байгууллагын дарга нар хэмээх цалингийн бараа хардаггүйн дээр бүх бүх зүйлд буруутай бүх хүнд загнуулсан хэдэн хүмүүс явдаг. Уг нь намын дарга нь анх сонгогдохдоо анхан шатны үүрийн дарга, дэд дарга нарын цалинг баячуудаас голдуу бүрдсэн Бага хурлын 70 гишүүнээс гаргуулж байна гэж амласан. Гэтэл том банктай, том компанитай Бага хурлынхан нь мөнгөө гаргадаггүй тас гүрийсээр ирсэн. Бүр 2012 оноос хойш цалингийн бараа хараа хараагүй үүрийн дарга нар ч бий. Харин өнгөрсөн 5-р сарын сүүлээр Сонгинохайрхан дүүргийн намын хорооны үүрийн дарга нарт нэг улирлын цалин нь УИХ-ын Д.Сумъяабазараас орж иржээ. Уг нь үүрийн дарга нарын хувийн дансанд цалин гэх нэрээр шилжигдэн орж ирж. Гэтэл төд удалгүй Эх үрсийн баярыг арга хэмжээнд зарцуул гэсэн үүрэг өгөгдсөн тул хөөрхий дарга нар шиний цаанаас чихэр долоогоод л хоцорчээ. Дээрээс ирсэн үүрэг тул цалингаа арга буюу бруу харж уйлан зөв харж инээн байж Хүүхдийн баярын арга хэмжээнд зарцуулжээ. Ийнхүү аварга гишүүн нэг сумаар хоёр туулай буудсан аж. Бага хурлын гишүүний хувьд харьяа үүрийнхээ дарга нарт цалинг нь өгсөн үү өгсөн, мөн хүүхдийн баярын арга хэмжээнд санхүүгийн туслалцаа үзүүлсэн үү үзүүлсэн гэсэн том хоёр асуудлыг “шийдсэн” гэнэ.
