Түймэрт “гоонжтой” ирдэг Хэрлэн сумын орлогч хуурамч дипломтон байжээ
.jpg)
Өнгөрсөн хавар Хэнтий аймгийн Баян-Овоо суманд гарсан хээрийн түймэр газар авч, улмаар гурван аймгийн сумдыг хамарсан томоохон хэмжээний түймэр болсон. Тэрхүү түймэр зэрэгцээд цахим ертөнцөд нэгэн зураг шүүмжлэл дагуулсан нь Дорнод аймгийн Хэрлэн сумын Засаг даргын орлогч Т.Энхтөр гэдэг ганган шаавай залуу байсан. Хэдийгээр түймрийн голомтод очоод ард иргэдтэй зөвөлгөө өгч нөхцөл байдалтай танилцаж ажиллаж байгаа нь сайн ч Дорнод аймгийн Хэрлэн сумын Засаг даргын орлогчийн хэт ганган хувцаслалт хүмүүсийн дургүйцлийг хүргээд авсан. Тэгвэл “түймрийн мистер” маань хуурамч дипломоор төрийн албанд шургалсан болохыг аймгийн аудит нь тогтоожээ. Аудитын шалгалтаар Чойбалсан хотын орлогч дарга Т.Энхтөр, төрийн сангийн ахлах нягтлан бодогч Г. Алтантогос, хот тохижилтын мэргэжилтэн Ганбаатар, аймгийн ЗДТГ-ын төрийн сангийн хэлтсийн мэргэжилтэн Ч. Сүхчулуун нарын диплом шаардлага хангахгүй буюу баклавр, магистрын дипломууд нЬ хуурамч болох нь илэрч. Тэгвэл орлогчоо хуурамч дипломтой гэдгийг Хэрлэн сумын Засаг дарга алдарт “Уулаа” хэмээх П.Мөнхтөр мэдэж байсан эсэх нь сонин. Мэдсэн ч тоохгүй байж мэдэх л эр дээ. Өдгөө аймгийн Засаг даргатайгаа нийлэх ИТХ-ын дарга Р.Зоигтбаатараа унагаах аянд мордсон түүнд хуурамч диплом зэрэг жижиг зүйлтэй зууралдаж байх цаг зав байхгүй биз. Хэрлэн сумын орлогч нь аймгийн МАН-ын залуустай их ойр, Номт гишүүний дэмжигчдийн бүлэглэлийнх гэнэ.
