НАМЗХ-ын идэвхтний хуралд өмсөх гэж байсан банзалыг нь хартай нөхөр нь шатаасан “аймшигт хэрэг” гарчээ
Нийтэлсэн: 2015-09-11 02:24:05
УИХ-ын гишүүн Н.Номтойбаяр, генсек асан Л.Оюун-Эрдэнэ нарыг дээгүрээ сандал ширээгээ булаацадан баян ядуугаараа хуваагдан хагаралдаж байхад доор нь НАМЗХ-ны гишүүнийг хувцсыг шатааж ердөө өмссөнтэй нь үлдээсэн аймшигт хэрэг гарчээ. Энэ хэрэг Орхон аймгийн Баян-Өндөр сумын Дэнж багийн Баруун дэнжид болжээ. Эхнэр нөхөр хоюул НАМЗХ-ны идэвхтэй гишүүн агаад эхнэр Э нь тухайн үед холбооноос зохион байгуулж байсан “Эрүүл Монгол хүн” чуулга уулзалтанд бүр илтгэл тавих гэж байжээ. Тэгээд Р.Ц гэдэг найз бүсгүйгээсээ хуралд өмсчих аятайхан банзал байна уу гэж асуухад цаадах нь 45 мянган төгрөгөөр худалдаж авсан офис загварын цоо шинэ хар өнгийн юбкаа өгчээ. Хурал чуулганы дараа банзлаа авъя гэтэл нөхөр миний хувцсыг бүгдийг нь шатаахад чиний банзал бас шатчихаж, мөнгийг нь өгнөө гэсэн гэнэ. Нөхөр Б.Э нь хуралд тавих илтгэлээ бэлдэж байсан эхнэр лүүгээ залгатал утсаа ер авсангүй. Архи хүртчихсэн байсныг ч хэлэх үү хар уурандаа гэртээ ирээд маргааш нь илтгэл тавих эхнэрийнхээ хамаг хувцасыг нь шатааж орхижээ. Ийнхүү НАМЗХ-ын нэгэн идэвхитэн маш чухал хуралд маш чухал илтгэлээ тавьж чадаагүйгээс зохион байгуулж байгаа хуралд ихээхэн хохирол учирсан гэнэ. МАН-ын НАМЗХ-ны орой дээр тэргүүн баячуудын хүүхдүүд заларсан бол жирийн дорд гишүүд нь хуралд өмсчих аятайхан хувцас ч үгүй бэдэрч явна.
