МХЕГ, ОБЕГ-ын дарга нарыг ирэх долоо хоногт өөрчлөх гэнэ
Монгол Улсын шадар сайдаар Ц.Оюунбаатар томилогдсон. Засгийн газрын мэдлийн халаа сэлгээг ГЕГ-ын даргаас эхлүүлсэн бол сайд нарын эрх хэмжээнийхийг шадар сайд эхлүүлэх аж. Энэ нь “Шударга ёс эвсэл”-ээс сонгогдсон сайд нарт ногоор гэрэл ассан гэсэн үг. Ирэх долоо хоногт МХЕГ, ОБЕГ-ын дарга нарыг солих тухай яриа гарсан нь үнэний ортой байх. ГЕГ-ын экс даргын буцан ирэлтээс үзэхэд хуучин хэд нь дахиж тавигдах магадлалтай байна. МХЕГ-ын экс дарга Д.Батмөнхийг МАН-ын шадар сайд У.Хүрэлсүх эрх мэдэл гэж юу байдгийг үзүүлэн байж албан тушаалыг нь авч байсан. Шадар сайдын ахлах зөвлөх Д.Батбаатар ажлаа өг хэмээн бараг ширээ тойруулан хөөсөн гэдэг. Гэхдээ нам нь ахин засагт эргэн орсон ч Д.Батмөнх хуучин ажлаа авах эсэх бас л тодорхой байсангүй. Түүний гол зорилго нь УИХ агаад хэрвээ ирэх сонгуульд нэр дэвшинэ гэвэл албан тушааалаасаа татгалз гэсэн намын нөхдийн шахаанд оржээ. ГЕГ-ын шинэ даргад гаальд орсон У.Хүрэлсүхийн талыхныг цэвэрлэх үүрэг өгсөн. Эрдэнэтийн гаалийн хорооны дарга нь МХЕГ-ын дарга Ш.Раднаасэдийн үеэл гэсэн яриа МАХН-ынханд хүрчээ. Үүнээс гадна МҮОНРТ-ийн дэд захиралаар ажиллаж байгаа МАН-ын Н.Дэмбэрэлийг 10-р сараас өмнө хал гэсэн чиглэл өгөгдсөн гэнэ.
