“Орчлон констракшин” оршин суугчид амласан гэрээний хөнгөлөлтөө өгөхгүй гэж зүтгэжээ
Нийтэлсэн: 2015-09-10 01:10:17
“Орчлон констракшин”-ы Д.Ганзориг нь барилгын салбарын том төлөөлөл, өөрийн нэр төрөө эрхэмлэдэг л байлгүй. Гэхдээ амласанаа өгөхгүй мурих гэх нь компаниас нь гардаг заль уу эсвэл мэдэн будилалт уу…Хан-Уул дүүргийн 28-р байрыг оршин суугчидад нь 10м2 талбай нэмж өгөхөөр тохирон нураасан. Оршин суугч Н.Д нь 3 өрөөтэй байртай байсны хувьд 1 өрөө байрнаас илүү урамшуулал авах хүсэлт гаргажээ. Компани 3 ширхэг нэг өрөө байрны нэгийх нь үнийг 20 хувь бую 6.2 төгрөгөөр хөнгөлөхөөр тохирч “Шинэчлэл-1” төслийг хэрэгжүүлэгч захирал Д.Ганзориг өөрөө бичгээр баталгаа гаргаж өгчээ. Уг баталгаанд “…танд 24,6 м2-тай нэг өрөө байрыг 33 сая төгрөгөөс 26 сая төгрөгт хямдруулж худалдахаар болсоныг мэдэгдье.Хямдралын талаархи мэдээллийг гадагш задруулахыг байхыг хүсье” гэсэн байж. Байр баригдаж байхад компани мөнгөө бүрэн төлчих дараа нь хямдруулж өгье гэсэнд итгээд мөнгөө төлжээ. Гэтэл баригдаж дуусахад нөгөө хөнгөлөлтийг нь өгсөнгүй. Захирал Ганзоригтой уулзахад менежерээ дуудан хөнгөлөлтийг нь олгохыг үүрэгддэг ч доод албан тушаалтнууд нь хөдөлдөггүй байсаар ирж. Нөгөө захирлын гарын үсэгтэй баталгааг ч тоосонгүй. Ерөнхийдөө би өг гэж хэлнэ харин та нар өгөхгүй шүү гэсэн бодлоготой байсан байх гэж оршин суугч хардсан гэнэ. Энэ зуур тухайн иргэн нь өөрийн байраа ээжийнхээ нэр дээр шилжүүлсэн биш компанид бөөн олз болжээ. Үүнийг нь мэдчихсэн менежерүүд бид танд л хөнгөлөлт өгнө гэснээс ээжид чинь өгнө гэж тохироогүй гээд бүр гэдийгээд суучихсанд арга буюу шүүхэд ханджээ. Цаашид “Орчлон констракшин”-гаар байраа нураалгах гэж байгаа бол энэ болсон явдлыг сайн анхаарч тооцоорой.
Снёостдрлхнөнө