Засаг дарга П.Мөнхтөр хүүхдүүдэд өглөө бүр бөднө шувууны 2 өндөг идэж байхыг үүрэгджээ
Нийтэлсэн: 2015-09-09 02:53:09
Орон нутгийн хурган дарга нарын ээлжит онигоо ахиад л Дорнодоос тодорчээ. Хүнд эрх мэдэл өгөхөд л яг хэн гэдэг харагддаг гэж үнэн юм байна. Өнгөрсөн хавар энэ аймгийн Боловсролын газрын экс дарга эмэгтэй багш нарын бэлгийн ариун цэврийн тухай тушаал гаргасаас болж залуухан багш хүүхнүүд нь ахлах ангид хичээл заахаасаа ичиж зугтааж байсан гэдэг. Тэгвэл аймгийн төв болох Хэрлэн сумын Засаг дарга П.Мөнхтөр нь гэрлэж байгаа залуу хосоор Мүүн маягийн ариун тангараг өргүүлж гэрээ хийлгэх гэж нэг үзсэн бол өдгөө бөднө гэгч шувууг нэгмөсөн дуусгахаар шийдэж. Засаг даргын шийдвэрээр хүүхдийг кальцийн дутагдлаас сэргийлдэг ид шидтэй бөднө шувууны 2 ширхэг өндөгийг өглөө бүр идүүлэхээр болжээ. Энэ тушаалыг аймгийн төвийн бүх суруулийн хүүхдүүд дагаж мөрдөх биз. Тэгвэл тэр олон өндөгийг хэрхэн яаж бэлдэх гэж байгаа нь сонирхолтой агаад ер нь тушаал гаргахдаа биелэгдэх боломжтой эсэхийг судалж үздэг дарга уу үгүй юу гэдэг нь тодорхойгүй. Энэ тушаалын эдийн засгийн үр дагавар нь л гэхэд энгийнээр төсөөлөхөд тахианы бизнес хийдэг хэсэгт хүндээр тусах нь. Одоо аймгийн төв даяар тахианы бус харин Засаг даргын хүүхдүүдээ гэсэн “сайхан сэтгэлд” өртсөн азгүй бөднө шувууны өндөг үнэ хүрч эхлэх нь дээ…
