“Зэрлэг 4х4” уралдааныг зохион байгуулсан зэрлэгүүдэд хариуцлага тооцьё
Нийтэлсэн: 2015-09-09 00:29:28
Автомашины экстрим уралдааныг сонирхогч залуусын нэгдэл “Зэрлэг 4х4” гэдэг бартаат замын уралдааныг онгон байгальд хийжээ. Уралдааныг зохион байгуулагсад “очоогүй машин гэж үгүй, үзүүштэй тэмцээн боллоо” хэмээн сайрхаж. Гэхдээ зэрлэг уралдаан зохион байгуулагсад болон оролцож уралдсан залуус өөрсдөө байгальд зэрлэг хандаж зэрлэгүүд гэдгээ баталжээ. Ямар ч зам харгуйгүй ойн шавартай намагт хөндийд уралдаж дөнгөж ургаж байгаа бургаст мод бут сөөгийг хайр найргүй хуга дайрч давхилджээ. Очоогүй машин үгүй гэхээр дайруулаагүй мод бут бас үгүй болж таарах нь. Зөвхөн өөрсдийн таашаал цэнгэлийн төлөө мод бут ургамал сүйтгэж байгаа тэд хөхөө өвлийн хүйтнээр морь уралдуулж хүүхдийн үйлийг үздэг алт мөнгө, торго дурданд ороогдсон уяач баячуудаас ялгагдах юм алга. Уралдааныг зохион байгуулагчид нь уралдагсад шударгаар өрсөлдсөнийг бахархаж. Тэгвэл яагаад байгальд шударга хандаж болсонгүй вэ гэдгийг асууя. Холбогдох байгууллага нь энэ уралдааныг шалгах нь зүйтэй.
