О.Магнай М.Батчимэгийг улстөрөөс хөөлөө
Гишүүн хатагтай ч бүр гардаггүй юм гэхэд хэгтээ холхон байсан нь дээр биз дээ. Ийм шийдвэр гаргах ёс суртахуун, ухамсар эрхэм хатагтайд бий гэдэгт найдая…Өөрөө ч угаасаа УИХ-ыг тарахыг байнга шахам сануулдаг байсан. М.Батчимэгийн зөвлөх нь уг нь эх орончдын нутаг болох Увс аймагт төрж өсжээ. УБИС-ыг хятад хэлний орчуулагч,багш мэргэжлээр төгссөн гэнэ. Бээжин, Тайваньд сурч байсан. Тэнд л гадаадын тагнуулын байгууллагад урхидуулсан бололтой. Харин М.Батчимэг нь бас Тайваньд сурч байсан төдийгүй Улаанбаатар дахь Тайваны төвийн даргаар ажиллаж байсан гэнэ. Хэрвээ иймэрхүү явдал Америкийн нэгэн сенатч эсвэл Конгрессын гишүүнд тохиолдсон бол түүний улстөрийн амьдрал нь тэгээд л дууслаа гэсэн үг болно. Хэдий өөрөө тагнуул хийгээгүй ч олон нийтийн өмнө уучлал гуйгаад яваад өгдөг. Гэтэл манайд мэдэхгүй гэдэг үгээр ам таглаад сууж байна. Зөвлөх нь эх орноосоо урваж гадаадын тагнуулын байгууллагад мэдээлэл дамжуулж байсан хэрэгтээ ял шийтгүүлээд түнийг нь хэвлэлээр шуугиад хоёр долоо хонож байхад хүртэл М.Батчимэг таг дуугай суугаад л байсан. Уг нь улстөрийн соёлтой улстөрч бол болж байгаа үйл явдлын тухайд өөрөө эхэлж мэдэгдэл хийх учиртай байлаа. Харин ч олон нийт мэдээгүй байгаасай гээд ханцуй дотроо залбирч сууснаа шуугиан дэгдэнгүүт “мэдэхгүй” гэсэн мянган асуултын ганц хариуг л хэлсэн. Хамт ажилладаг зөвлөхийг нь эх орноосоо урвасан хэрэгт шалгаад бариад шүүгээд ялласан байхад мэдээгүй суусан гэхэд хэн итгэх билээ. Ийнхүү төрд шургалагсадын идэж уух зүйл нь олдохоо болиод сүүлдээ улсын нууцыг хүртэл зарж баяжихдаа тулаад байна.
