Нууц мэдээллийн уурхай

 МАН-ын залуу үеийн лидерийн нэг Ж.Сүхбаатар МАХН-ыг бараадах нь бараг баараггүй боллоо. Энэ нь Ардын намд архагшиж угжирч бараг үжрэх шахсан хэдэн луугаруудтай тэмцээд сөргөлдөөд дийлэхгүй нь гэдгийг ухаарсан хэсэг залуусын аргагүйдээ хийж байгаа алхам юм. Үүнээс гадна ирэх сонгуульд АН-ын алдаан дээр тоглоно гэж байгаа ч аанай л олонхи болж чадахгүй нь гэдгийг таамагласан хүмүүс ч байгаа бололтой. МАН-аас одоогоор өнөдр албан тушаал хашиж байгаа залуусаас Н.Энхбаярын “гараар” ороогүй нь цөөхөн байх. Зарим нь бүр том даргынхаа тухайн үедээ нууцад тооцогдож байсан гэрээ хэлцлийг хийх бэлдэх нотариатаар батлуулах ажлыг гүйцэтгэж байсан. Н.Энхбаяр, хүү Э.Батшугар, туслах Б.Тулгын ахтай хамтран ажиллаж алдарт “Хар дун” компанийг нэр шилжүүлэх ажлыг “хуулийн хүрээнд” гүйцэтгэсэн хүн нь МХЕГ-ын дарга болсон Ш.Раднаасэд юм. Тухайн үед ХЗЯ-ны түшмэл байсан тэрээр ихэнхи гэрээг нь боловсруулсан төдийгүй яаманд хамт ажиллаж байсан нотариатчаа “найраад” шууд батлуулчихсан гэдэг. Уг нь ном журмаараа бол компани шилжүүлж байгаа Н.Энхбаяр, Э.Батшугар нар нь байлцах учиртай байсан ч ХЗЯ-ны залуу түшмэл тэр бүхнийг “алгасахаар” бүх ажлыг нь зохион байгуулж өгч байсан. Энэ бүх түүхээрээ тэрээр МАХН-ын даргатай холбоотой агаад одоо ч битүүхэн талархаж дэмждэг гэсэн яриа ойр тойрныхон дунд нь явдаг. Хэрвээ Ж.Сүхбаатар МАХН луу гүйвэл араас нь “чөдрөө таслаад” давхиж ч магадгүй гэнэ. Ш.Раднаасэд МХЕГ-ын даргаар ирсэний дараахан нь өнгөрсөн хавраас халаа сэлгээ эхэлсэн. Хотын хэмжээний найман хэлтсийн даргын тав нь халагдсан. Үүнээс Баянгол дүүрэгт болсон халаа сэлгээ, шинэ даргын садан төрлийн холбоо ихээхэн сонирхол татдаг. Хуучин дарга Х.Эрдэнэчулуун нь лав л өөрийн хүсэлтээр ажлаа өгөөгүй гэдэг. Бид энэ тухай мэдээллийг үргэлжлүүлэн хүргэнэ.