М.Зоригт гишүүн Ж.Батсууриа сайд болгоно гэсэн яалаа…
Ерөнхий сайд эм зүйчийг л сайд болгохгүй гэсэн салбарынхны эсэргүүцэлтэй тулмагц ЗТЯ-ыг М.Зоригтод өгөхөөр шийдсэн байх талтай. Гэхдээ шинэ сонголт нь бас л цэвэр мэргэжлийн хүн биш. Банкны салбартай олон жил зууралдаад сүүлдээ хамтрагчтайгаа тангараг тасарсан түүхтэй. Том банк группийг унагасан бутраасан хүн ахин карьер горьдолтгүй болдог барууны стандараар хэмжиж үзэх юм бол сайд болох нь битгий хэл ТУЗ-ийн даргад ч нэрээ дэвшүүлэхгүй эрхгүй болсон хүн. Гэхдээ л хамгийн их хэл амтай салбарыг жил гаруй удирдахаар болж байна. Шинэчлэлийн Засгийн газрыг унах үеэр М.Зоригт Сүхбаатар аймгийн Засаг дарга Ж.Батсууриа сайдад зүтгүүлэн лоббидож байсан. Сайдын суудлын “үнэр” авсан Засаг дарга улам идэвхитэй ажиллан бүтээн байгуулагч гэдэг цол дээрээ иргэдийнхээ насыг уртасгагч гэсэн алдар нэмээд байгаа. Гэтэл яг цагаа тулахад найздаа өгсөн амлалтаа умартсанд Засаг ноёныы талынхан гишүүндээ ам муутай яваа аж. Ж.Сүхбаатарын тухайд залхтлаа аймаг удирдсан гэнэ. Энэ хугацаанд АН-ын шилдэг удирдагчдын нэгний хувьд сайд хих хэмжээнд хүртэл бэлтгэгдэжээ. Харамсалтай нь итгэж явсан найз нь засаг хувиарлах будаалга дээр өөрийнхөө аягыг л дүүргүүлээд авчээ.
