Л.Пүрэвсүрэн дэд сайдаа “баавартай” үдэж өгчээ
ГХЯ-ныхан УУЯ-ны бүдүүн баараг “инженерүүдийн” дэргэд хамаагүй соёлтой гэдгээ баталжээ. УУЯ-ынхан дэд сайд Г.Тэмүүлэнгээ үдэх будаалганд дээрээ архи ууцгааж газрын дарга нар нь хоорондоо зодолдож шившигээ хутгасан. Тэгвэл ГХЯ-д газрын дарга нар нь эгнэн зогсоод дэд сайд асан Н.Оюундариа хүндэтгэлтэй гэгч нь үдэж өгч дипломат ёс жаягаа гайхуулжээ. Гэхдээ ганцхан хүн “баавартай” нь аргагүй зогсож байгаа нь сайд Л.Пүрэвсүрэн аж. Баавартай гэдэг нь дэд сайд асандаа амжилт хүсэж хийсэн бүтээсэн бүхэнд нь баярлаж байгаагаа хэлж байхдаа гараа халаасандаа хийн лут гэгч нь зогсож байна. Дипломат ёсонд албан ёсны уулзалтанд гараа халаасандаа хийн “бааварлах” нь зүйд нийцэхгүй баймаар...Тэр байтугай монгол ёсонд ч хөлөө ачиж суух, гараа халаасандаа хийх зэрэг нь цаад хүнээ үл хүндэтгэсэнд тооцогддог. Тэгээд ч сайдтан яагаад халаасандаа гараа хийсэн ч юм бол…Арай “талх” Гансүх, “Сонгдо” Болдсайхан нарын гаргадагийг гаргасан юм биш биз…
