Хөвсгөлд хүргэн нь хадмын талаа гэртэй нь шатаах гэсэн хэрэг гарчээ
Нийтэлсэн: 2015-09-03 01:10:59
.jpg)
Энэ аймгийн Их-Уул сумын Шивээ багийн нутагт 23 настай Л.Б гэдэг залуу хадмынхаа гэрийг хоёр буюу түүнээс олон хүнийг онц харгиё хэрцгий аргаар хөнөөхийг завдсан хэрэг үйлджээ. Хэрэг гардаг өдөр согтуу хүргэн нь ирж охиноо авна гэснээс хадам аавтайгаа зодолджээ. Хүргэн төмрөөр цохиход хадам аав гэрээсээ гарч зугтааж. Араас нь чулуу шидэж хөөж байснаа мотоцикьлоо унаад яваад өгөх шиг болж. Аюулт хүргэн нь яваад өгсөнд тайвширсан гэрийнхэн унтах гэж байтал ахиад хүрээд ирж. Айсан өвгөн гэрийн хаалгаа тэвхдэн хаасанд хуга татаад орж ирээд өврөөсөө пивоны савтай бензин гаргаж цацаад та нарыг шатаачихья гээд шүдэнз зуран шидсэн гэнэ. Гэрт хоёр хөгшнөөс гадна хүү охин нь мөн хоёр зээ нь байжээ. Гал хөнжлөөс нь эхлэн дүрэлзэн асахад тэд хашгиралдан уван цуван унаж тусан гэрээс гарчээ. Бусад хүмүүс түлэгдэж гэмтээгүй бол ганцхан хүргэний охин гуяандаа түлэгдэж. Гэр эд хөгшил хувцас хунар нь үнс нурам болтлоо бүрэн шатжээ. Хадам аав нь охин, зээ охиноо бодоод хүргэнээ хэргээс салгаж авахаар гомдолгүй гэмэн мэдүүлэг өгсөн гэнэ.
