АН-ын залуус Н.Алтанхуягийн хүн чанартайг шагшиж байна
Экс намын дарга, экс Ерөнхий сайд Н.Алтанхуяг улстөрчидөд “экс” болоод байгаа хүний чанарын хэлтэрхийг зөвлөх Л.Ганусүхийн нүүрсний хэрэгт харууллаа. “Бүх шийдвэрийг би гаргаж байсан, ахлах зөвлөх ердөө гүйцэтгэгч байсан” гэж хатуу мэдэгдсэн нь хэрэг явдлыг нөгөө тийш нь эргүүлж мэдэхээр байна. Хэрвээ буруутай бол тухайн үед шийдвэр гаргасан ЕС буруудаж харин биелүүлэгч Л.Гансүх мултарч магадгүй юм. Дагаад Н.Алтанхуягийн хэлснээр давхар холбогдоод байгаа 30 шахаж яваа хэдэн “хүүхдүүд” цагаадах бололтой. Нүүрсний хэргийн цохилтыг өөр дээрээ авсанаараа одоогийн устөрчидөд харагдахаа больсон хүн чанар гэгчийг харуулаад авлаа. Хэргийг өөрөөсөө түлхэх, зайлуулах, доод албан тушаалтнаа золигт гаргах зэрэг нь улстөрийхний холбогдсон асуудал бүрд гардаг. Ерөнхийлөгч Ц.Элбэгдорж цагтаа авгайг нь тэврээд үнсэж байсан Н.Энхбаярын “оймсыг” гозолзуулсан. УИХ-ын дарга МҮОНРТ-ийн захирал асан Л.Наранбаатарыг уучлал гуйсаар байхад нь яллуулж санаа нь амарсан. Туслахаараа сонгуулийн мөнгө босгуулсан МАН-ын Д.Дондог “би танай нөхрөөс мөнгө аваагүй” хэмээн эхнэрийг нь загнаж байсан. Үүнээс гадна үе үе Засгийн газраа унагадаг АН-ынхан хөшигний цаана ямар бохир юм хийдгийг ил тод болговол олон нийт мэл гайхах биз. Улстөрд орж байгаа залуус хазайхад нь түлхэхгүй хаяхгүй байх тийм л хүнийг бараадах сонирхолтой болж. Тэгвэл улстөрийн тавцанаа ганцхан тийм хүн байгаа нь Н.Алтанхуяг болж харагдаж байна. Хэсэгтээ шинээр хүн орохоо байсан Алтангадасд өдгөө олон залуус элсэж эхэлжээ.
