2 жилийн тэнсэн авсан Сөүл дэх салбарын экс эрхлэгч нь Кредит банкнаас хохирлоо нэхэмжилжээ
Нийтэлсэн: 2015-09-02 01:56:52
Кредит банк нь анх Сөүл хотод тухайн улсын холбогдох байгууллагийн зөвшөөрөлгүйгээр салбараа нээн ажиллуулж байжээ. Үүний улмаас нэгэн монгол эмэгтэй хохирч хохирлоо тус банкнаас нэхэмжилж байна. Д.Д нь 2002 оноос Кредит банкны Сөүл дэх салбарт туслах ажилтнаар ороод хоёр жилийн дараагаар салбарын эрхлэгчээр дэвшин 2008 хүртэл ажиллажээ. Салбар нь Солонгосд ажилладаг монголчуудын воны хадгаламж шилжүүлгийг америк доллард хөврүүлэн Монгол дахь төв рүүгээ шилжүүлдэг байж. Тухайн үед түүний салбар нь Кредит банкны гүйлгээ, хадгаламжийн тал хувийг бүрдүүлдэг байсан гэнэ. Гэтэл 2007 онд Сологосын хууль хяналтынхан албан ёсоор зөвшөөрөл авалгүй банкны үйл ажиллагаа эрхэлсэн хэмээн эрхлэгчийг нь баривчилжээ. Түүнийг 48 цаг цагдан хориод Сөүлийн шүүхийн шийдвэрээр банкны болон гадаад валютын үйл ажиллагаану хуулийг зөрчиж зохих зөвшөөрөлгүйгээр банкны үйл ажиллагаа явуулсан хэмээн 10 сар хорих ял оногдуулаад ял 2 жил тэнсэн харгалзжээ. Ингээд Кредит банк Солонгосын талаас зөвшөөрөл авалгүй салбараа нээж ажилуулснаас болж хоригдож ял шийтгэлтэй гэсэн хар толботой болсон хэмээн экс эрхлэгч заргалдан хохирлын 60 гаруй сая төгрөг нэхэмжилжээ. Харин банкныхан зөвшөөрөлгүй гэдгийг өөрөө ч мэдэж байсан биз дээ хэмээн бухаж. Сөүл дэх салбарын маапаан дэгдэх үед Кредит банкны эзэмшигч солигдож орос эзэнтэй болж. Тэгэхээр зөвшөөрөл аваагүй нь өмнөх удирдлагын буруу болж таарсан гэнэ.. Гэхдээ л зургаан жил бүхэл бүтэн салбарыг зөвшөөрөлгүй ажиллуулаад л байж. Д.Д-гийн өмнө нь ажиллаж байсан салбарын өмнөх эрхлэгч нь банкны үйл ажиллагаа эрхлэх зөвшөөрөрлгүйн улмаас учирч байгаа бэрхшээл саадаас зүрхшээн бүр ажлаа хаяад явж байсан гэнэ. Өдгөө Кредит банкныхан экс эрхлэгчийг хэдий салбар зөвшөөрөлгүй аваагүй ч өөрийн нэрээр мөнгөн гуйвуулгын үйлчилгээ явуулж байсан гэж буруутгадаг гэнэ. Сөүл дэх салбартай холбоотой баримт бичиг МАН-ын цагаан байрыг шатаах үед устсан гээд гаргаж өгдөггүй аж.
