Хөвсгөлийн уугуул Л.Гүндалай Эрдэнэтийн “уугуул” болжээ
“Бүсгүй хүн цагаан зээр хоёр нутаггүй” гэдэг байсан бол өдгөө дээр нь улстөрч гэж нэмэгдэх нь. Бусад оронд тойргоо солих нь байдаг л зүйл бол нутгархаг үзэлтэй монголчуудад энэ нь том дуулианд ордог. Шинэ хуучин хоёр тойргийнхон нь хоюулаа таагүй хүлээн авдаг. Хаяад явж байгаа тойргийнхон нь араас нь ус цацах шахдаг бол очиж байгаа тойргийнхон нь хаалга үүдээ хаах шахна. Шинэ нутагдаа хүлээн зөвшөөрөгдөх зовлонг туулж яваа хүн нь Л.Гүндалай болжээ. Хөвсгөлөөс хэдэндээ сонгогдсон тэрээр аймгийн АН-ын шинэ дарга Ч.Батцогтод хөөгдөөд дараа нь намдаа шахагдаад сурсанаараа нам байгуулаад “тусдаа гарсан”. Одоогийн нам нь түүний байгуулж байгаа хоёрдахь нам болж байна. Өдгөө тэрээр бууриа сэлгээд Эрдэнэтээс нэр дэвших гээд ирсэн. Тэрээр энэ нутагт “нутагших” гэж хэрдээ хичээж байгааг энэ зурагнаас харж болно. Аль хэдийнээ манай Эрдэнэтийнхэн болчихож. Харин эрдэнэтчүүд хэзээ манай Гүндалай гэх юм бол…
