Хүүхдийн төмсөг хавдтал өшиглөдөг багш зөрчил гаргаагүй гэжээ
Нийтэлсэн: 2015-08-31 01:41:10
Сурагчидад бие махбодийн шийтгэл үзүүлдэг багш боловсролын салбарт ажиллах эрхтэй эсэхэд олон нийт үгүй гэсэн хариулт хэлнэ. Гэтэл эрэгтэй сурагчын төмсөгийг хавдтал өшиглөж улмаар тэр хүүхэд төгсөх ангийн шалгалтаа өгч чадахгүй байдалд хүргэсэн багшийг ажилд нь буцаан авахад татгалзах зүйлгүй хэмээн Сэлэнгэ аймгийн Орхонтуул сумын ЕБ-ын 2-р сургуулийн захирал Н.Бүрэнцогт хэлж байна. Тус сургуулийн технологийн багш, 9б ангийн ангиийг удирддаг Д.Э нь өнгөрсөн хавар ангийнхаа Э.Э гэдэг хүүхдийг хичээлийн цагаар тамхи татах гэж явлаа хэмээн “тааж” уурлан өгзөг рүү нь өшиглөжээ. Багштан эхлээд юу хийж явааг нь тодруулалгүй шууд л өшиглөж. 30 гарсан эрэгтэй багшийн өшиглөлтийн улмаас сурагчын төмсөг хавдаж эмнэлэг цагдаад ханджээ. Эмчлүүлэх шаардлагатай болсон шалгалтаа ч өгч чадаагүй гэнэ. Асуудал үүсэн тул аймгийн Боловсрол соёлын газрын дарга захирал руу нь утасдан өшиглөдөг багшийг ажлаас халахыг үүрэгдэж. Удалгүй ахин ярьж хүүхэд зоддог багш ажлаа хийгээд явж байна гэнэ, хэл ам гараад байна гэсний дагуу захирал нь Д.Э-г ажлаас халжээ. Энэ зуур багштаны хүүхэд зодсон нь хүнд бус харин хөнгөн гэмтэл учруулсан, мөн хохирогчтой эвлэрсэн гэх шалтгаанаар эрүүгийн хэргийг нь хэрэгсэхгүй болгож. Үүний дараа Д.Э би ёс зүйн л зөрчил гаргаснаас ажлаас халагдах зөрчил гаргаагүй хэмэн ажилдаа буцан орохоор заргалджээ. Захирал нь эрүүгийн хэрэг чинь хэрэгсэхгүй болсон юм бол эргээд ир гэсэн гэнэ. Ийнхүү Сэлэнгэ аймагд багш хүүхэд зодох нь ердөө ёс зүйн хариуцлага хүлээдэг ёс зүйн зөрчил төдийд л тооцогддог агаад өөр ямар ч шийтгэл хүлээдэггүй юм байна. Сурагчидад бие махбодийн шийтгэл хүлээлгэсэн бол ёс зүй жаахан яригдаад л харин ажлаа хийгээд явдаг байх нь. Энэ нь эцэг эх хүүхүүдэд та нарын хүүхдийг, сурагчыг багш нь зодож өшиглөж болно гэж шууд хэлсэнтэй ялгаагүй хэрэг болжээ.
