Л.Цандэлэг сайдын хүүгийн “гарын шүүс” болох вий дээ…
Монголд бие биенээ хамгийн их үзэн яддаг хүмүүс бол Ц.Элбэгдорж Н.Энхбаяр биз. Харин тэдний араас ХХАА-н сайд Р.Бурмаа, Л.Цандэлэг хоёр орно гэнэ. Зөвхөн энэ хоёроор зогсохгүй хоёр гэр бүлд ч дайсагнал бий болсон бололтой. Р.Бурмаа сайдын гэр бүл нь түүний явуулж байгаа бодлого болон газар тариалангийн салбарын “мафи”-тэй хийж байгаа “шударгуу” тэмцлийг нь халуун дэмждэг биз. Л.Цандэлэгийн гэр бүл ч тэр хэмжээгээр сайд хатагтайг буруушаадаг байх. Сайд тариаланч хоёрын тэмцэл хэт хурцадсан тул гэр бүлийн гишүүд нь оролцоод эхэлжээ. Л.Цандэлэгийн талынхны цахимдгаргасан мэдээллийг нэгэн залуу эрс хатуу “эсэргүүцэж”. Гэтэл тэрээр сайд хатагтайн хүү байсан гэнэ. Бичсэн үгнээс нь харахад ээжийнхээ “дайснуудыг” ямар их “үзэн яддаг” юм бэ гэмээр…Хүү нь л болсон хойно буруу ч бай зөв ч бай ээжийгээ өмөөрөх нь мэдээж биз. Иймд Л.Цандэлэг энд тэнд сайдын эсрэг элдэв юм ярьж яваад хүүтэй нь халз тулгарвал баларч магадгүй юм байна даа…
