Зодсон нь АН-ых зодуулсан нь МАН-ынх гэнэ
АН МАН-ын харилцаа дунд доод шатанд навс мууджээ. Мөнгө төгрөг эрх ашгаараа холбогдсон тулдаа дээд түвшиндээ арай гайгүй байх шиг. УУЯ-ныхна дэд сайд асан Г.Тэмүүлэнгээ үдэж, сайн ажилласанд ч баярлан талархсанаа илэрхийлж парти зохион байгуулсан байна. Парти ч нижгэр сайхан болж, сүүлдээ найрын зочдын халаалт хэрээс хэтэрсэн бололтой. Дарга нар нь хоорондоо гар зөрүүлж, нэгнийгээ Гэмтлийн эмнэлэгт очиж оёдол тавиултал нь зодсон талаар мэдээлэл цацагджээ. Энэ үдэлтийн Гадаад харилцааны яамны Стратеги бодлого төлөвлөлтийн хэлтсийн даргыг түр орлон гүйцэтгэгч О.Цэндсүрэн гэх эрхэм зодоон эхлүүлсэн гэнэ. Улмаар төрийн захиргаа, удирдлагын газрын дарга Ч.Түмэнбаяр болон Гадаад хамтын ажиллагааны хэлтэсийн дарга Я.Бадрах нарыг зодож, биед нь гэмтэл учруулжээ. Тэд цагдаагийн байгууллагад гомдол мэдүүлсэн төдийгүй Гэмтэлийн эмнэлгээр гэмтлийн зэргээ тогтоолгохоор явж байгаа талаар ч эх сурвалж мэдээлж. Гайхалтай нь ГХЯ-ны дарга өөр яамны найран дээр юу хийж явсан нь сонирхолтой. Тэгээд ч зодсон дарга нь АН, зодуулсан хоёр нь МАН-ынх гэнэ.
