Нууц мэдээллийн уурхай

 Экс сайд Х.Тэмүүжингийн “төрүүлсэн” хүүхдийн нэг нь Тахарын алба юм. Шүүхийн жижүүрүүдийг халахаас ажлаа эхэлсэн энэ алба ажиллах хүчин, мэргэжил, санхүүгийн хувьд бүрэн төлөвшөөгүй л байна. Ийм учраас ажилтнууд ноцто алдаа гаргах нь олонтоо гэнэ. Саяхан Сэлэнгэд Хөтөлийн цемент шохойн үйлдвэрийн захирал асан А.Шоовдор нарын шүүх хурал болж экс захирал цагаадсан. Тэгвэл өмнөх шүүх хурлын үеэр шүүгчээс зөвшөөрөлгүй аваагүй нэлээд олон хүмүүс шүүгдэгчтэй бүр тодруулбал захирал асантай уулзсан уулзуулсан хэрэг гарчээ. Энэ хэрэгт 9-р тойргийн Тахарын албаны дэд бөгөөд шүүн таслах ажиллагааны хэвийн нөхцлийг бүрдүүлэх тасгийн дарга Б.Б холбогдож хариуцлага хүлээжээ. Гэсэн ч тэрээр шийтгэлийг хүлээн зөвшөөрөхгүй байгаа гэнэ. Шүүгдэгчтэй шүүхээс зөвшөөрөл аваагүй хүмүүсийг уулзуулсан хэрэг бас л дотроосоо мэдээлж дарга нарын зөрчлөөс болж илэрсэн гэнэ. А.Шоовдор нарын давж заалдах шатны шүүх хуралдаанд тахарын алба анхнаасаа дүрэм журмаа мөрдөөгүй аж. Үүнд ганцхан тасгийн дарга буруугүй гэнэ. Журам ёсоор шүүх хуралдааны өмнөх өдөр хурлын хмагаалалт, зохицуулатын төлөвлөгөө хийгдэж үүрэг тавигдсан байх ёстой аж. Мөн шүүх бүсийн хамгаалалтын  зураглал хийгдсэн байдаг гэнэ. Үүнийг албаны дарга мөрдөж ажиллаагүй хэмээн тасгийн дарга мэдүүлж. Ийнхүү төрийн өмчит компаний захирлын төсвийн хөрөнгө завшсан, гаалийн байцаагч нарт хээл хахууль өгсөн гэх ноцтой хэргийн шүүх хурлын хамгаалалт тун замбараагүй болжээ. Давж заалдах шатны хуралдааны дараа шүүгдэгч нарыг хуяглан Сэлэнгэ аймгийн цагдан хорих байранд хүргэж ёстой байжээ. Энэ үеэр шүүхээс зөвшөөрөл аваагүй  Б.Пүрэвдорж, А.Оюунчимэг, Д.Саранчимэг, Д.Эрдэнэчимэг, Д.Уранчимэг, Д.Ганзориг, Ц.Ууганжаргал, Б.Долгорсүрэн, Л.Насанбуян, Ж.Дутуу нарын 11 хүн шүүгдэгч нартай уулзжээ.  Давж заалдах шатны хурлын дараа шүүгдэгч нарын хэрэг Дээд шүүхээр хэлэлцэгдэх байсан. Зөвшөөрөлгүй уулзсан хүмүүс чухам юу юу ярьсан тохирсон нь хардлага төрүүлж байна. Ийм олон хүнийг уулзуулсан гэхээр бараг л хонь хурга нийлж байгаа мэт юм болсон биз. Туслах тахар Э.Б-гийн мэдүүлснээр тасгийн дарга нь зөвшөөрөлгүй уулзаж байсан хүмүүсийн заримтай нь гар барин мэндэлж байсан гэнэ. Тахарын алба шүүгдэгч нартай зөвшөөрөлгүй хүмүүс олноор нь уулзуулсан нь бөөн шуугиан дэгдээжээ. 9-р тойргийн тахарын албаны дарга нь энэ хэрэгт тасгийн даргаа буруутгасан бол анхнаасаа хамгаалалт журмын дагуу тавигдаагүйд өөрөө ч бас буруутай хэмээн шийтгэл хүлээсэн Б.Б эсэргүүцжээ. Давж шаалдах шатны хуралдааны дараа болсон хяналтын шатны шүүх А.Шоовдор нарын хэргийг хянаад анхан шатны шүүх рүү нь буцаасан. Харин анхан шатны шүүх Хөтөлийн цемент шохойн үйлдвэрийн экс захирлыг цагаатгасан шийдвэр гаргасан гэнэ.