Ц.Энх-Амгалан гишүүний уулзалтанд очвол 1000 нэгж авна
УИХ-ын гишүүдийн уулзалтанд очдог хэдхэн хүмүүс байдаг. Хорооны хөгшчүүд сумын төвийн ахмадууд дээр хэрвээ засаг дарга нь нэг намых бол төрийн албан хаагчдыг хөөж оруулж ирэн заал дүүргэх гэдэг. Одоо уриад очдог ахмад хашигдаж суудаг төрийн албан хаагч ч олдохоо больсон тул урамшуулал хонжвороор уйтгартай уулзалтандаа татдаг болжээ. Үүнийг мэдээж Ардын намынхан эхэлж сэдсэн. Сургалтын төлбөр, ухаалаг гар утасны хонжвортой уулзалтыг Н.Номтойбаяр зарласан бол түүнээс өмнө сэмхэн хэрэгжүүлж эхэлсэн нь Ц.Энх-Амгалан гэнэ. Өнгөрсөн зунаас л Хөвсгөлд хийдэг түүний уулзалтанд очсон хүн бүр 1000 нэгж утсандаа хийлгэдэг болжээ. Ардын намын алтангадасаст, хөдөлмөрийн гавъяаны одонт хоёр гишүүний нэгж сургалтын төлбөр тараагаад байгаагийн гол зорилго нь юу юм бол. “Хийж бүтээсэнээ” олон хүнд сонсгох хүргэх гэсэн үү эсвэл ердөө л заал дүүргэж өөрийнх нь уулзалтанд олон хүн ирдэгийг харуулах гэсэн үү…
