Машин ачдаг “Автогранд мастер”-ийн ачигчидын хамрыг хуга мөргөжээ
Нийтэлсэн: 2015-08-22 05:39:50
Нийслэлд машин ачдаг 20 гаруй компани байдаг. Иргэд машин ачигчдын хооронд дайсагнал үзэн ядалт үүсэж улмаар хэрэлдэх зодолдох нь хэвийн үзэгдэл болжээ. “Автогранд мастер” компаний хоёр ачигч Чингис хаан зочид буудлын 2-р давхрын замаас нэгэн иргэний машиныг ачсан биш зодуулж Б.Баасанбат нь хамраа хуга мөргүүлж Г.Гомбо-Очир нь утсаа хагалуулжээ. Ачих явцдаа өөрсдөө ч алдаа зөрчил гаргасан байж. Хэргийг шалгах үед “ачихын өмнө тухайн автомашины ерөнхий байдал, гэмтэл сэв бий эсэх, ачих үйл ажиллагаа зэргийг дүрс бичлэгийн хэрэгслээр бэхжүүлж авна” гэсэн заалтыг зөрчсөн байж. Түүнээс гадна тухайн иргэний машин хамгийн удаан зогссон гэдгийг баталж чадаагүй гэнэ. Харин ч өөрсдөө ажлын цагаар айл хэсэж Буянт-Ухаа-1 хороололд байдаг хамаатныдаа цай уугаад явж байжээ. Тэгээд зам зуураа нисэх буудлаар “шүргэж” нэг машин ачаад бараг л зугтаажээ. Хамаатнаа Турк руу үдэн гаргаж байсан иргэн С.Т-д нэгэн хүн утсаар машиныг чинь ачиж байна хэмээн хэлж. Нисэх буудалд ирсэн хөгшид хүүхэд буцах унаагүй болох нь сандарсан тэрээр яаран гартал ачигчид жирийлгээд алга болж. Тэрээр уулзаж учирлая хэмээн араас давхитал зугтаагаад зогсохгүй байсан гэнэ. Гараараа ч зөндөө даллаж. Ингээд арга буюу гүйцэж түрүүлтэл ачигчид шууд мөргөн зогсжээ. Ачигчдын нэг нь амны уншлагаараа аавыг нь “п-да” хэмээн доромжилсонд уурсан залуу мөргөөд авчээ. Гар утсаа хагалуулсан гэх ачигч нь бичлэг хийн тойрон зугтаагаад байж. Хүний машиныг ачихдаа бичлэг хийгээгүй мөртлөө зодоон болоход бичлэг хийжээ. Харин аав нь угаасаа хагархай утас байсан гэж баталсан гэнэ. Гэсэн ч хүн мөргөснөөрөө машинаа ачуулсан залуу бурууджээ. Тэрээр хамраа хугалуулсан ачигчид 950, гар утсаа хагалуулсан ачигчид 160, харин ачигч машины эвдрэлд нь 425 мянган төгрөг төлсөн гэнэ.
NUUTS.mn
