ХААН банк талийгаач ахынх нь өрийг дүүгээр нь төлүүлжээ
Нийтэлсэн: 2015-08-22 04:31:49
Өгөх хүн гэдийж авах хүн бөхийдөг гэгчийн үлгэрчилсэн тоглолтыг ХААН банк үзүүлжээ. Тус банкны 100 айлын тооцооны төвөөс зээл авах гэсэн Б.Т-д байж боломгүй нэгэн шаардлага өөдөөс нь тулгажээ. Т талийгаач ах Ц.С нь тус салбарт 305 мянган төгрөгний зээлийн үлдэгдэлтэй байсан агаад түүнийг төлж барагдуулаад зээл ав гэсэн гэнэ. Мөнгөний хэрэгцээнд орсон иргэн арга буюу нас барсан ахынхаа зээлийн үлдэгдлийг авсан зээлээсээ суутгуулахад хүрч. Уг нь зээлдэгч нас барсанаар түүний зээлийн үүрэг дуусгавар болдог хуультай. Хэрвээ нэхэмжилэх бол хууль ёсны өв залгамжлагчаас нь шаардах учиртай агаад зээлдэгч нь талийгаач ахаасаа өөр өвогтой ч ах дүүс болохыг нь банк олоод л мэдчихэж. Ийнхүү ХААН банк зээл авах гэсэн хүнийг мөнгөний хэрэгцээтэйгээр нь далимдуулан “авах хүн бөхийдөг” гэдгийг мэдрүүлдэг болоод байгаа гэнэ.
