З.Баянсэлэнгэ, Б.Наранхүү нарын “битүү морьд”-ыг сайдад нэр дэвшүүллээ
Шийдлийн Засгийн газрын суларсан зургаан сайдын суудалд МАХН эцсийн хувилбараар нэрсээ дэвшүүлж өгчээ. Өдгөө МАНгарууд тоглоомоос гарсан тул Ху-гийнхан гол тоглогч болсон. Эхлээд тэд Эбаг цагаатгах зургаан сайдын дөрвийг нь авах гэсэн хоёр хатуу тулган шаардалт гэмээр болзол тавьж байсан бол өдгөө сулруулжээ. МАХН-ынхан дээрээ доороо орон баахан маргалдсаны эцэст Шадар сайд болон ХЯ-ыг авахаар шийдсэн гэнэ. Шадар сайдад алдарт Ч.Улаанаа нэр дэвшүүлсэн бол Хөдөлмөрийн сайдад УИХ-д “азаар” орж ирсэн гэгдэх З.Баянсэлэнгийг зүтгүүлэхээр болж. Ийнхүү шинэ сайдад битүү морьд нэр дэвшиж эхэллээ. АН ч зүгээр суусангүй “залуучуудын” гэх фракци нь “Мон-Уран”-ы Б.Наранхүүг ЗТ-ийн сайдад нэр дэвшүүлэн намын дарга бүлгийн дарга хоёрдоо бас л шаардах хуудас маягийн бичиг өгчээ. Үүнд нь хөгшчүүд нь таатай хандсангүй, тэдний дунд ч гэсэн сайдын суудалд суугаад үзчих санаатай улс цөөнгүй бий. Одоогийн байдлаар бүлгийн дарга нь Сангийн сайдад, Л.Эрдэнэчимэг ЗТ эсвэл БОНХАЖЯ-ыг тус тус сонирхож байгаа бол хуучин цэрэг Д.Баярсайхан нь БХБЯ-ндаа буцан очих хүсэлтэйгээ илэрхийсэн гэнэ.
NUUTS.mn
