Ц.Элбэгдоржийн амьдрал “тэмцлээр” хүүхдийн ном бүтээжээ
Удирдагчаа бурханчлан шүтдэг оронд харж үзэж болохоор зүйл манайд олонтоо гарах болов. Гэхдээ нэгэн үе үндэсний удирдагч гэдэгтээ өөрөө ч итгээд байсан Н.Энхбаярын үед арай ийм ном гараагүй байх. Дарханы “Мөнхийн үсэг” компаний хэвлэсэн “Ардчиллын түүчээ Элбэгээ хүү” гэдэг энэ номыг Д.Цэрэндагва гэдэг хүн зохиожээ. Бүр хүүхдэд зориулан шүлэглэсэн толгой холбосон хэлбэрээр зохисон байна. Тэргүүлэх анхдагч нь байх гэсэн утгатай түүчээ гэдэг үг ардчилсан ерөнхийлөгчид хэр таарах, мөн ардчилсан улсад өөрийгөө тахин шүтүүлж буй маягтай ийм ном гарч буйг ардчилсан ерөнхийлөгч мэдэж байсан эсэх гээд олон асуулт ургаж байна. Ц.Элбэгдорж ардчиллын түүчээ гэдэг нь цэвэр зохиогчийн өөрийнх нь итгэл үнэмшил байх. Гэсэн ч энэ нь залуу үе түүний “тэмцэл амьдралаар” хүмүүжих албатай гэсэн үг биш баймаар юм…
