Иргэдийн цагаан “хэл амнаас” болж 70 саяын усан хөшиг эвдэрсэн гэнэ
Нийтэлсэн: 2015-07-27 01:58:52
Өнгөрсөн долоо хоногийн нийслэлчүүдийн анхаарлыг уур бухимдалтай нь хамт төрүүлсэн Арслантай гүүрийн усан хөшиг эвдэрсэн сурагтай. Ердөө тав хонолгүй эвдэрсэн агаад “усан хөшигийн” эцэг болох нийслэлийн Захирагчийн албаныхан олон нийтийн хар цагаан хэл ам гэж агууу юмаа, дороо эвдэрчихлээ хэмээн халаглаж суугаа гэнэ. Уг нь хотын удирдлага зундаа утаа шиг гамшиг болдог тоосжилтийг багасгах гэж энэ “буянтай сайхан” ажлыг сэджээ. Усан хөшигний 70 саяын “төслийн ажлыг” Ц.Туул захиралтай “Хан урсгал” компани гүйцэтгэж. Нэрнээс нь харахад дараа дараагийн усан хөшийг бас л энэ компани хийх бололтой. Гэтэл хотын захиргаа компани хоёрын хийсэн ажил нь зарцуулсан мөнгө, хүлээсэн үр дүнд хүрсэнгүй хэмээн иргэд хатуу шүүмжилсэн.
