“Эх оронч” увсынхан ийм байна даа….
Увс аймаг буюу ойн иргэдийн хэлтэрхий, дөрвөн ойрдын тасархай, Галдан бошигтын “тасарсан яс”, Бал даргын “үсэрсэн цус”-ны аймаг хэмээн байгуулагдсаныхаа 90 жилийн ойн баярыг энэ өдрүүдэд тэмдэглэж байна. Монголын төрд “Увс фракц” хэмээн хүндэт нэр автлаа хүлээн зөвшөөрөгдсөн тэд ойн баяртаа сэтгэл ханамгүй хандив өргөсөн нь бусад аймгийнхийг ичээж байна. Увс хүний нэгэн адил Өмнөговь хүнийг бий болгох гэж байгаа “Ажнай” Д.Бат-Эрдэнэ, “мөнхийн” Засаг дарга Б.Бадраа нар “Говь Шанхын хурд”-аа бас хийх гэж байгаа. Гэтэл хандив өргөх үеэр алтны магнат Т.Нямтайширын “Чинхау-МАК-Нарийн сухайт”-ын Сонинбаяр нь ердөө 3-хан сая төгрөг амласан гэсэн. Тэгэхэд Увс нутгийн хүү ШУТИС-ын багш Д.Балсандорж дангаараа 70 сая төгрөгийг аймгийн наадамдаа хаяж байна. Экс Ерөнхий сайдын үед томорсон гэх “Тесо” групп 250 саяыг хандивлажээ. Өмнөх хэдэн нутгийн аваргын “ланд”-ыг ганцаараа гаргасан Б.Чойжилсүрэн тэрийгээ суутгасан бололтой жаран хэдхэн саяыг өгчээ. Нутгаа гэх сэтгэл ийм байдаг аж. Увс хүн шиг Өмнөговь хүнийг бий болгох гэсэн “Ажнай” Д.Бат-Эрдэнэ, Б.Бадраа нар Нямка Дорлигоо хоёрын зэрэгт хүрэх яагаа ч үгүй байна.
