Нууц мэдээллийн уурхай

 Хэвлэл мэдээллийн салбарыг өөр хоорондын зөрчил тэмцэлдээ “боксын бээлий” мэтээр ашиглах гэсэр оролдлого тасралтгүй гарсаар байна. Үүний томоохон жишээ нь саяхны сэтгүүлчийг хорьсон явдал юм. Тэгвэл иймэрхүү явуулга жижиг хэлбэрээр ч гардаг агаад олон нийтэд хүргэснээрээ хэвлэлийнхэн давхар буруудах гэдэг. Завхан аймгийн Хөгжимт бүжгийн коллежийн захирал М.Алтанцэцэгийг Б.Б гэдэг эмэгтэй “….” телевизийн олон нийтэд хүрсэн нэгэн нэвтрүүлэгт захидал бичсэн нь  “олон нийтийн өмнө доромжилсон” болж 3,4 сая төгрөгийн торгууль шүүхээс хүлээжээ. Хохирогч захирал ийн мэдүүлж. “Б-г ажлаас халсаны удаа дараа намайг хэл амаар доромжилсон, гэнэт миний таньдаг хүмүүс, нутгийнхан, эцэг эхчүүд салбарынхан утасдан “М…..к…..”-ийг үзсэн үү, чамайг авлига өгдөг авдаг авдаг, боловсролгүй, 14 сая төгрөг идсэн уусан гэж байна гэсэн, одоо би сургуулийнхаа хүүхдүүдээс эцэг эхчүүдээс ичиж байна, гүтгүүлсэн тул маш их гомдолтой байна” гэжээ. Халагдсан эмэгтэйн бичсэн захидалд “захирал М.Алтанцэцэг нь цэцэрлэгийн багш мэргэжилтэй боловч СУИС-ын захирал Сонинтогосын томилолтоор Завханы Хөгжим бүжгийн коллежийн захирал болсон, эхний зургаан сарын байдлаар 14 сая төгрөгийг зориулалт бусаар ашигласэн, хээл хахууль авлигалын хэргээр АТГ-д шалгагдаад тогтоогдсон, ёс зүйн доголдолтой, харилцааны соёлгүй хамт олныг хэл амаар доромжилдог” гэсэн байж. Захирал хатагтай “цэцэрлэгийн багш” гэсэнд их гомдсон бололтой. Хэдий захидлыг бүтнээр нь биш түүвэрлэж тоймлон уншсан ч олон нийтийн өмнө доромжилсон болж таарчээ.