“Хөгжлийн гүүр” сургуулийн ажилтан “би Ерөнхий прокурорын хүү байна” хэмээн цагдаад халджээ
Нийтэлсэн: 2015-07-20 05:17:30
Хуулийн байгууллагуудаас ЕПГ, АТГ хоёр ихэд “алдаршсан” нь иргэд нэрийг нь их барьдаг болсоноос харагдаж байна. “Хөгжлийн гүүр” сургуулийн гадаада харилцааны менежер Г.У нь гэгч эмэгтэй хүнийг алгадсан, цагдаагийн ажилтанд халдсан хэрэгтээ нэг жилийн тэнсэн авчээ. Уг нь байдаг л хэрэг мэт боловч тэрээр цагдаад халдахдаа “би Ерөнхий прокурорын хүү байна” хэмэн агсарч нүүр мөр лүү нь 3 удаа цохиод пивоны лонх аван далайсан ч арай ч цохиж чадалгүй буулгажээ. Цагдаа нарыг шөнийн 03 цагийн үед АНУ-ын ЭСЯ-ны хажуугаар эргүүл хийж явахад нэгэн эмэгтэй уйлаад зогсож байжээ. Байдлыг тордруулахад найзыг нь хоёр залуу гэртээ оруулчихаад гаргахгүй байна гэж. Уг айлд ирэн ороход нэгэн намхан залуу “би Ерөнхий прокурорын хүүхэд байна, зайлцгаа” хэмээн хөөж агсарсан нь “Хөгжлийн гүүр” сургуулийн ажилтан байжээ. Тэрээр цагдаа нарыг “яах гэж ирсэн п-да нар вэ, миний гэрт ордог хэн бэ” хэмээн дайрч нэг цагдаагийн нүүр мөр лүү гурав цохиод эргэн ширээн дээрээс хоосон лонх барин дайрчээ. Энэ үед нөгөө цагдаа нь гар утсаараа бичлэг хийж байгааг хараад арай цохиж чадалгүй гараа буулгаж. Энэ явдалд эрүү үүсгэн шалгахад Г.У-гийн эцэг эх нь багш хүмүүс байсан агаад өөрийгөө хамгаалахын тулд Ерөнхий прокурорын хүүхэд гэж хэлсэн хэмээн мэдүүлсэн гэнэ.
