Баянголын ЗДТГ-ынхан Д.Оросоогоос бус Д.Эрдэнээс айдаг гэнэ үү…
.jpg)
Нийслэлийн алдарт Баянгол дүүрэг үүсэн байгуулагдсаны түүхт 50 жилийн ойг тун удахгүй ёслол төгөлдөр тэмдэглэх гэж байна. Энэ ойгоо Хүй долоон худагт том наадам хийж дарга цэрэггүй баярлах гэнэ. Нэгэнт наадам юм хойно хүнсний үйлчилгээ хуушууран гэр гээд үйлчилгээ өргөн дэлгэр гарах аж. Гэтэл уг үйлчилгээний зөвшөөрөл өгөх тоог бүр наадамын өмнө зарлаад тараагаад дуусчихсан гэсэн нь хоолон гэр, шорлог хийж зарах гэсэн иргэдийг ихээхэн бухимдуулаад авчээ. Тэр олон зөвшөөрийг ердөө нэгхэн өдөр өгөөд дуусгачихсан гэсэн нь авч чадаагүй хүмүүсийн сэжиг хардлагыг төрүүлж цаагуураа тараагаад дуусгалаа гэсэн бөөн хэл ам дүүргийн ЗДТГ-д дэгджээ. Гэхдээ Баянголын баян дэлгэр болох наадамаар хуушуур шорлог зарах гэсэн иргэдийн зарим нэг сүйхээтэй нь “гол цэгийг” нь олж даран ажилтнуудыг нь айлгаад авчээ. Тэд зөвшөөрлийг цаагуураа тараалаа, иргэдэд шударгаар өгсөнгүй хэмээн Засаг даргад бус харин Д.Эрдэнээд хэлнэ хэмээн айлгаад авч чадсан гэнэ. Дүүргийн ажилтнууд нь Засаг даргаасаа бус ХАХНХ-ын сайдаас эмээдэг бололтой. Засаг дарга Д.Оросоо нь цэргийн жагсаал парадад тун дуртай гэдгээ хавар харуулаад авсан. Ялалтын 70 жил гэдэг шиг дүүрэг байгуулагдсаны 50 жилийн ойгоор бас л цагдаа онцгойн хэдээ жагсаал бололтой агаад парадыг Засаг дарга уу эсвэл сайд хүлээн авах уу гэдгийг харж л байхаас…Хэрвээ парадыг Засаг дарга хүлээн авбал дүүргийн баяр харин сайд голлоод эхэлбэл “Эрдэнэ вангийн” хошууны наадам болно хэмээн шуугиж байна.
