ХХААЯ-ны “хаан хатан” хоёр…
Монголын задрал бутралын саарал цаг болох бага хаадын үед “Хөх тэнгэрт хөхрөгсөд нь нар сар хоёр, хөрстөд хөхрөгсөд нь хаан жонон хоёр” хэмээн зовсон өвөг дээдэс маань ярьдаг байсан. Тэгвэл манай үндэсний газар тарилангийн салбар бууран доройтож байгаа энэ цагт ХХААЯ-нд хөхрөгсөд нь сайд ТНБД хоёр нь аж. Үүнийгээ ч наадамаар баталж Р.Бурмаа сайд залуухан царайлаг ТНБД Н.Ариунболдын хамтаар хаан хатан сэнтийд заларсныг та харж байна. Өөр намын гаралтай “өнөө муу” дэд сайд Б.Батзориг нь хаан хатан хоёрын хэмжээнд шадарлаж чадалгүй гологджээ. Тэрээр дэд сайд болсноосоо хойш хөдөө гадаа их “цөлөгдөж” бараг харлаталаа тэнэсэн. Харин цагаахан ТНБД нь олон түмний өмнө бараг харагдадгүй, тариан талбай дээр очлоо гэж лав л сонсогдоогүй. Өмнө нь түүнийг муугүй мэдэх хүмүүс 3-р хорооллын 40 дүгээр сургуулийн спортын талбайг өвөл түрээслэн ус асгаж хөлдөөгөөд мөсөн гулгуур болгож хүүхдүүд гулгуулж мөнгө олдог байсан гэж ярьдаг гэнэ. Тэгэхээр тун ч даруухан бизнестэй залуу байж дээ. Давхар дээлийг зад шүүмжилдэг байсан Р.Бурмаа өөрөө сайд болонгуутаа энэ тухай огт дурсахаа больсон. Түүнээс гадна дан дээлтэй байхдаа төрийн сайд нарын тансаглал ямба ихдлээ, ихэрхэл нь хэтэрлээ хэмээн бас л хэлдэг ярьдаг байсан. Гэтэл өөрөө сайд болонгуутаа залуухан царайлаг ТНБД-ын хамт хаан хатан ширээнд залраад яамны ажилтан бүсгүйг аягач болгоод сууж байх юм.
