Алтай Таван Богдод амиа алдсан уулчид фэйсбуук зараар холбогдон танилцсан гэнэ
Нийтэлсэн: 2015-07-15 02:03:11
ОБЕГ-ын аврагчид Алтай таван богдын ын Хүйтэний оргилд авирахаар яваад сураггүй болсон таван хүнтэй уулчдын багийнхны сүүлчийн байрлалыг өчигдөр 19 цагийн үед олжээ. Тэд бүгд цасан нурангид дарагдан амиа алдсан гэнэ. Талийгаачид мэргэжлийн тамирчид биш агаад ердөө фэйсбуукд гарсан зарын дагуу холбогдон танилцаж баг бүрдүүлээд авиралт хийхээр явжээ. Алга болсон уулчдын багт н.Гомбосүрэн, н.Долгорханд, н.Гантөмөр, н.Уянга, н.Батболд нарын хоёр эмэгтэй, гурван эрэгтэй гишүүнтэй багтсан байсан бөгөөд хамгийн ахмад нь 57 настай эмэгтэй байжээ. Ердөө сонирхогчдын баг ирчихээд нэг олсоор холбогдон авиралт хийх гэж байхад тэнд байсан уулчид болиулдаггүй юм гэхэд мэргэжлийн зөвлөгөө туслалцаа үзүүлээгүй байна. Тухайн үед Алтай таван богдод хүн авирасны 100 жилийн ой тохиож Эрдэнэт хот, орос уулчдын баг болон “Монголиан экспедишн” компаний баг авиралт хийхээр ирсэн байж. Тус компаний захирал нь ямар ч туршлагагүй сонирхогчид ирсэн, мөн нэг олсоор бэхлэгдсэн байсан зэргийг нь мэдэж байжээ. Ийнхүү 7-р сарын 12-д тохиосон Алтай таван богдод хүн авирасны 100 жилийн ойн авиралт эмгэнэлтэйгээр төгсжээ.
