“Нарантуул трейд” компаний 16,1 хувиас болж Ш.Сайхансамбуу дүү Ш.Батсамбуутайгаа муудалцжээ-2
Нийтэлсэн: 2015-07-07 04:50:23
…Бүр өмнө нь бараан зах авах бизнесийн санааг гаргасан, бүх ажлыг хийж гүйцэтгэсэн гээд компанийхаа 50 хувийг хүртэл өгөхөөр ах эгч хоёр нь ам алдаж байж. Ингэж ярьсаар олон ч жил болж 2012 оны УИХ-ын сонгуультай золгожээ. Ш.Сайхансамбуу улстөрд орж МАН-д элсээд төрсөн нутаг Завхандаа нэр дэвшээд УИХ-ын гишүүн болчихсон байлаа. Ахин нэр дэвших гээд бөөн бужигнаан бас бөөн мөнгөний хэргэцээ гарсан үе байжээ. Нарантуулын боссыг дахин нэр дэвшүүлэхгүй гэсэн хор цаагуураа найрагдаж байсан тул тэрээр намдаа бас дарга нарынхаа өмнө “гавъяа” байгуулах хэрэгтэй болж. “Ах чи надад итгэ,чиний оруулсан хөрөнгөнд чинь тааруулж компаниасаа хувь өгнө, эхлээд мөнгө зээлүүл” гэсний дагуу Ш.Батсамбуу нь 758,1 мянган долларыг МАН-ын тусгаар тогтнолын ордонг барьж байсан “Ган номин” компаний дансанд Ш.Сайхансамбуугийн хандив нэрээр шилжүүлжээ. Энэ их мөнгийг ах нь нэг жилийн дотор буцаан төлөхөөр тохирсон ч одоо болтол өгөөгүй гэнэ. Түүгээр ч үл барам ах нь хувь эзэмшүүлэх тухай ч ярихаа байснаас гадна нууцхан өөрчлөлт хийгээд “Нарантуул трейд” компанийхаа 90 хувийг эхнэрийнхээ нэр дээр шилжүүлээд өөртөө 10 хувийг нь үлдээсэн байсныг дүү нь сүүлд мэдсэн гэнэ. Ингээд тэрээр өөрийн эзэмших ёстой хувиа авах мөн зээлүүлсэн 758 мянган доллароо нэхэн хөөцөлдөж эхэлсэн гэнэ. Гэсэн ч өдгөө ах эгч хоёр нь компаний хувь өгөх талаар сонсох ярих ч дургүй болжээ. Харин ч үзүүлсэн гэх тус дэмээ өөдөөс нь тоочдог сурагтай. Хамгийн наад зах нь л Н2, хаммер, ликольн гээд авч өгсөн машинуудаа хуруу даран тоолдог, дүүгийнхээ компаний бүх ашигт малтмалын тусгай зөвшөөрлийн төлбөрийг жил бүр төлж ирсэнээ сануулдаг гэнэ\үргэлжлэл бий\NUUTS.mn
