“Болор” амралтын “болдоггүй” даргаас ЦТҮС-ний удирдлага залхаад халсан гэнэ
Нийтэлсэн: 2015-07-06 01:36:39
Төрийн өмчит ЦТҮС нь өөрийн “Болор” гэх амралттай аж. Харин А.Энхбуйр гэдэг даргатай болсон цагаас шүүхийн зарга, ажилчдын гомдол тасрахаа больж дарга нарыг нь залхаах шиг болж байгаа гэнэ. Тэрээр 2011-2012 онд амралтын даргаар ажиллаж байгаад үндэслэлгүй халагдсан гж үзсэн тул шүүхдэн дараа жил нь ажлаа авчээ. Ажилгүй хугацааны цалингаа ч авсан гэнэ. Ж.Равдандорж нь ЦТҮС-ний гүйцэтгэх захирлаар ирээд нийт салбарын дарга нартайгаа хөдөлмөрийн гэрээг шинэчилэн хийжээ. Гэтэл ганцхан “Болор” амралтын даргынхаа барааг харж чадаагүй нэлээд удаж. Дуудахад ирдэггүй, бүр олдодгүй, ажлын хэсэг томилоод явуулахад амралтандаа байдаггүй гэнэ. Дарга нь “алга болсон” тул ажил нь унаж амралтын газар өрөнд ороод балрах дөхөж. Олдохгүй нэлээд удсаны эцэст нэг ирэхдээ согтуу байсан тул эрүүл үедээ ир хэмээн явуулж байсан удаатай. Ингээд шинэ гүйцэтгэх захирал амралтын даргатайгаа уулзах гээд бүтэн хоёр сар чадаагүй тул ирж уулзахгүй бол ажлас чинь халлаа шүү хэмээн гэр лүү нь хүн явуулж хэлүүлсэн боловч захиралтайгаа ч уулзсангүй, ажил дээрээ ч очсонгүй гэнэ. Ингээд арга бую ажлаас халсан ч А.Энхбуйр нь тамга тэмдгээ ч хүлээлгэн өгөөгүй тушаалаа ч аваагүй аж. Харин ч халах тушаал гардуулж өгөөгүй, ажлаа хэвийн хийж байсан гэж заргалдсаар ажилдаа эргүүлэн тогтоогджээ. Гэтэл ажлаасаа халагдсан үедээ согтуу хүмүүстэй ирж амарсан, тэр хүмүүс мөнгөө төлөөгүй гэх гомдол амралтын ажилчдаас удаа дараа ирж. Мөн салбарын байгууллагын хувьд ажлын төлөвлөгөө, гүйцэтгэлээ нэг ч удаа гаргаж ирүүлээгүй хэмээн удирдлага нь халаглаж сууна. Ингээд ахин ажлаас нь халсан ч өмнөх халагдсан үеийн цалингаа нэхэн удирдлагуудаа бас л зовоож эхэлсэн гэнэ.
