Туркийн Истанбул хотын цагдаагийн газарт амиа хорлосон монгол иргэн хэн байв…
Нийтэлсэн: 2015-07-02 07:32:26
Туркийн Истанбул хотын цагдаагийн газарт түр саатуулагдсан нэгэн монгол иргэн камерт өөрийгөө боомилсон байдалтай амиа егүүтгэсэн гэнэ. Эх сурвалжын мэдээллээр талийгаач нь “Нэг төгрөг” гэдэг компаний захирал байсан бололтой. Истанбул хотын Монгол таунд төвхнөсөн тэрээр карго ажиллуулж байжээ. Ажиллах явцад нэлээд өр төлбөрт орсон сурагтай. Хохирсон иргэд цагдаад хандсанаар Туркийн хуулийнхан талийгаачийн ажлын байранд нэгжлэг хийж улмаар саатуулж шалгахаар аваад явжээ. Өглөө нь камертаа өөрийгөө боомилсон байдалтайгаар амиа алдсан байхыг нь илрүүлсэн гэнэ. Туркийн цагдаагийнхан Г.Г гэсэн овог нэртэй паспортыг нь хураан авчээ. Гэхдээ энэ нь талийгаачийн жинхэнэ овог нэр биш гэсэн таамаг бас байгаа гэнэ. “Нэг төгрөг” компаний захирал Монголд өр төлбөр залилангийн хэрэгт шалгагдаж байгаад Турк руу гарсан байх магадлалтай аж.
