Хаалттай хуралдаанаас дархан аварга Г.Өсөхбаяр зүүнийг манлайлах шийдвэр гаргажээ
Нийтэлсэн: 2015-07-01 04:19:14
МҮБХ энэ жилийн наадмаар дархан аварга А.Сүхбат, Г.Өсөхбаяр нарын хэнийг нь зүүний магнайд гарч барилдуулахыг шийдэж чадахгүйдээ бантан Баяр наадмын комисст шийдэж өгнө үү гэсэн хүсэлт тавиад байсан. А.Сүхбат, Г.Өсөхбаяр нарын хэнийг нь зүүний магнайд гарч барилдуулахаа Монголын Үндэсний бөхийн холбоо шийдэж чадахгүй гэдгээ мэдэгдэн, баяр наадмын комисст шийдэж өгнө үү гэсэн хүсэлт тавиад байсан юм. Шадар сайд У.Хүрэлсүхээр ахлуулсан Үндэсний их баяр наадмыг зохион байгуулах хороо хаалттай хуралдаж, Тэд нийгэмд талцал үүсгээд байгаа хүчит бөхийн барилдаанд Дархан аварга А.Сүхбат, Г.Өсөхбаяр нарын хэн нь зүүн жигүүрийг магнайлах вэ гэсэн асуудлыг авч хэлэлцлээ. Тус хорооны хуралдаанаас Үндэсний их баяр наадмын хуулийн дагуу бөхчүүдийг амжилтаар нь эрэмбэлэх нь зөв гэж шийджээ. Энэ шийдвэрийн дагаа Г.Өсөхбаяр зүүн жигүүрийн магнайд гарахаар болж байгаа юм. Энэ талаар Үндэсний их баяр наадмын Үндэсний бөхийн салбар хорооны дарга ХХАА-н дэд сайд Б.Батзоригоос тодруулахад “ Үндэсний их баяр наадмыг зохион байгуулах хорооны хуралдаанаар бөхчүүдийг амжилтаар нь эрэмбэлэх нь зүйтэй гэж үзсэн. Монголын бөхийн холбоонд бөхчүүдийг амжилтаар нь эрэмбэлэх ёстой гэсэн шийдвэрээ хүргүүлнэ. Одоогийн байдлаар улсын байр наадамд барилдах бөхийн бүртгэл дуусаагүй байгаа учраас эцсийн шийдвэр гараагүй. Бөхийн бүртгэл дууссаны дараа Монголын үндэсний бөхийн холбоо дүрмийн дагуу өөрсдөө шийдэх эрх өгсөн” гэв. Энэ шийдвэрийг А.Сүхбат хэрхэн хүлээн авах нь тодорхойгүй байна. Зарим нь барилдахгүй байх гэсэн таамаг дэвшүүлээд эхэлжээ.
