Нууц мэдээллийн уурхай

Бээжингийн их сургуулийн хэлний бэлтгэлд сурдаг гэх 23 настай О.О гэдэг бүсгүй жирэмсэн эмэгтэйг зодсон нь тогтоогдсон ч хохирогчтой эвлэрсэн хэмээн эрүүгийн хариуцлагаас чөлөөлөгджээ. Энэ хэрэг Баянзүрх дүүргийн 15 дугаар хороо, “Алтан Өргөө” цогцолборын байранд болжээ.Хохирогч мэдүүлэхдээ “…О  хүн ирж авна гээд пиво уугаад суугаад байсан, тэгтэл Бямбын нөхөр нь босож ирээд  одоо орой болчихлоо харьж амар гэхэд  маргаж эхэлсэн, нөхрийг нь харааж ерөөгөөд байхаар нь болиулах гээд больцгоо гэж хэлсэн, тэгтэл Бямбын нөхөр аягатай усаа хань руу шидсэн чинь О  босож таараад оногдчихсон би санаа зовоод яав ийв зүгээр рүү гэхэд О та нар ер нь яагаад байгаа юм, намайг дээрэлхээд байгаа юм уу гээд намайг жирэмсэн гэдгийг мэдсээр байж гэдэс рүү хоёр  удаа өшиглөсөн, би унаад босоод ирэхэд дахиад миний нүд рүү гараараа цохисон, ыи босож ирээд чи намайг жирэмсэн гэдгийг мэдсээр байж яаж байгаа юм бэ гэхэд юун сүртэй юм, угаасаа гаргахгүй юм байж гээд хэл амаар доромжилсон” гэжээ.