Пакистанд хүний эхнэрийг “уруу татсан” хэргээр 10 настай хүү торгуульжээ
Гэхдээ торгуулийн 700 мянган рупий/7 мянган доллар/-ийг насанд хүрээгүй лал “дон жуан”-ы эцэг эх төлөх гэнэ. Энэ явдал Синд мужийн Бахрани тосгонд болсон агаад 10 настай “залуу эр” хөрш тосгоны өөр овгийн 40 настай эмэгтэйтэй дотно харилцаа үүсгэсэн болохыг тогтоожээ. Орон нутгийн цагдаагийн газрын мэдэгдсэнээр энэ явдлаас болж хоёр овгийн хооронд мөргөлдөөн гарах шахаж. Хуулийнхан энэ айхтар хэргийг овон бүрийн ахмадуудаас бүрддэг Жирга гэдэг зөвлөлд шилжүүлэх нь дээр гэж үзжээ. Ахмадын зөвлөл хүүг нөхөртэй эмэгтэйн замыг алдагдуулсан, эр нөхрөө араар нь тавьсан үйлдэлд уруу татсан гэж үзээд 700 мянган рупийгээр эцэг эхийг нь торгосон гэнэ.
NUUTS.mn
