Нууц мэдээллийн уурхай

Төрийн тэргүүнтэн Хууль зүйн сайд Д.Дорлигжав, сайд асан Х.Тэмүүжин нарын “тулааны” талаар шийдээ гаргажээ. Гол асуудал нь хэнийх нь талд орох вэ гэдэгт байсан бололтой. Х.Тэмүүжин сайдын суудалд тарвалзаж хууль зүйн шинэчлэл гэгч нь ид явагдаж байхад Эби түүний талд байсан. Бүр “Ийм Хууль зүйн сайдтай Монгол азтайяа” хэмээн хэлж байсан удаатай.  Харин суудлаасаа буусны дараа дараа хаяжээ. Хаягдсан эр дараагийн сайд нь хийсэн бүхнийг нь хэрхэн нураахыг зүрхээ шимшрүүлэн харж суух болж. Өнөөдөр л гэхэд  Хууль зүйн сайд Д.Дорлигжав  Өмгөөллийн тухай хуулийн төслийг УИХ-ын дарга З.Энхболдод өргөн барьсан.  Д.Дорлигжавын төсөлд Х.Тэмүүжинийн хийсэн бүтээсэн бүхнээс үлдсэн цөөн хэдэн зүйлийг нураах хүч агуулагдаж. Экс сайдын хувьд сүүлчийн найдвар нь Эби байсан бололтой.  Гэсэн ч төрийн тэргүүн таг суусаар …үүнийг л “гүлдийх” гэдэг байх.  Хүлээсээр тэвчээр алдарсан Х.Тэмжүүжин гишүүн өөрийн “Твиттер” хуудаснаа “2009 он руугаа ч буцлаа шүү. Элбэгдорж гуай нь гүлдийсээр л...” гэх тайлбартайгаар жиргэжээ. Эби гүлдийсээр хэний талд орж байгаагаа Х.Тэмүүжинд хэлсэн бололтой. Улстөрийн шийдвэр ашиг харсан байдаг. Эби хэн хүчтэй байна түүнийх нь талд орж гэхэд болно. Одоогийн сайдын гарт бүх эрх мэдэл байгаа бол экс сайд чуулганы хуралдаан дээр агсрахаас өөр зүйл хийж чадахаа байж дээ. Эбид хаягдсанаар бүрмөсөн хаягдах аюултай. Дараагийн сонгуулиар тойрог жагсаалтын тухайд ч мөрөөдөөд ч хэрэггүй биз.




NUUTS.mn