Нууц мэдээллийн уурхай

Америкийн сэтгэлзүйчид сонирхолтой дүгнэлт хийжээ. Сэлфи их хийдэг, тэр зургаа олон нийтийн цахим сүлжээнд оруулдаг, зургаа байнга сольдог хүмүүс нь сэтгэлзүйн гутралд орсон байдаг гэнэ. Харин зургаа солих, оруулах нь өөрийгөө хүндлүүлэх арга замынх нэг аж. Сайхан гарсан зураг нь мэдээж олон лайк авна. Энэ нь намайг хүн тоохоо больж хэмээн гутрагсадад эерэг нөлөө үзүүлдэг бололтой. Манай улстөрчидөд энэ онош бараг тохирох байх. МАН-ын дарга М.Энхболд цахим сүлжээ дэх зургаа солиод тэр дороо л 420 гаруй лайк авч нэг төрлийн дээд амжилт тогтоожээ. Намын уналт, сонгуулын ялагдал, газрын наймаа гэх зэрэгт буруутгагдан гутралтай явдаг байж магадгүй эрхэм даргад цахим сүлжээний “дэмжлэг” сэргэлт өгсөн биз. Америкийн судлаачид сэтгэл гутрагсад бусдаас ялгарсан байдлаар зураг авхуулах гэдгийг мөн тогтоосон гэнэ. Хөдөөний эгэл хүүхдүүдийн дэргэд хотын гялгар залуу генсек тун тод ялгарч харагдаж байна. Намын хороод, оюутны байгууллагууд нь өрөнд ороод Ж.Мөнхбат нь сэтгэл гутралтай явдаг байх. Сүхбаатар, Баянзүрх дүүргийн МАН-ын хорооны байрны асуудал шүүхээр маргаантай яваа гэсэн. Оны эхээр НАМОХ нь нийгмийн даатгалд дөрвөн саяын өртэй байсан. Намын том лидер Сү.Батболдын нутаг Сүхбаатар  аймгийн МАН-ын хороо нь “Дижитал фото”-д өнгөрсөн сонгуулын өрөө төлөөгүй шүүхэд дуудагдсан гэсэн.

NUUTS.mn