АСЕМ-д зориулж “Тоёото” корпорациас хамгийн сүүлийн үеийн 100 машин авна гэнэ
.jpg)
Ядарсан Монголын төсөвд задарсан дарга нарын хэнхэглэл их гай болох юм даа. Монгол байтугай Турк, Өмнөд Солонгос ч авахаас жийрхдэг гэх АСЕМ-ын дээд хэмжээний уулзалт төсвийн дансыг улайлгаж сангийн мөнгөний хүүдийг нь эргүүлж гөвөх бололтой. АСЕМ нь албан ёсоор Европын Холбооны 28 гишүүн орон, Европын 2 орон, Азийн 21 орон, ЕХ, АСЕАН-ы Нарийн бичгийн дарга нарын газар гэсэн 53 улс, байгууллагыг нэгтгэдэг. Монголд болох уулзалтанд энэ бүх орны төрийн тэргүүн, Ерөнхий сайд, Гадаад хэргийн сайдын зиндааны 1000 гаруй өндөр дээд зочин ирнэ. Гэтэл дээд хэмжээний уулзалт болох гэж байгаа хот нь бохирдоо даргадах дээрээ тулсан. Үзээд өгье гэсэн ч таван одтой зочид буудал нь гарын таван хуруунд багтах байтал Ц.Элбэгдоржтон яаж зориглож Монголд хийе гэж амласан юм бол. Арга ядаад өндөр дээд зочидод зориулан Нүхтэд тусгай хаус хэдэн арваар нь барьж байна. Хауснаас гадна унаа гэж аюултай эд бий. Бас л шинэ тансаг дээд зэрэглэлийнх байх ёстой тул “Тоёото” компанид 100 ширхэг хамгийн сүүлийн загварын машин захиалахаар болжээ.
NUUTS.mn
