Америк сургууль татсан мөнгөө буцааж өгөхдөө дургүй “аймаар” гэнэ..
Нийтэлсэн: 2015-06-09 04:05:52
Манай хамгийн өндөр төлбөртэй сургууль гадных байх жишээтэй. Гадны сургууль мундаг, гадаад багш гоё гээд л…Гэтэл гадаад гэх сургуулийн бүх зүйл нь “гоё” биш харин зарим нэг нь “аймаар” хэмээн сурагчид нь ам дамжуулан ярьж байна. Улаанбаатарын Америк сургууль гэхэд л хүүхдийг элдэв тэмцээн уралдаанд явуулна хэмээн мөнгө татаад дараа нь ямар нэгэн шалтгаар хүүхдийг нь хасдаг гэнэ. Хэрвээ хасссан бол эцэг эхийнх нь төлсөн зардлыг буцаан өгөх учиртай ч өгдөггүй “аймаар” болсон хэмээн сургуулийн ахлах ангийнхан нь ярьжээ. Өнгөрсөн жил урд хөршид болсон олон улсын сургуулиудын биеийн тамирын тэмцээнд Америк сургуулийн баг оролжээ. Багийн гишүүн бүрээс 900 гаруй долларыг зардал хэмээн авч. Гэтэл зарим нэг хүүхэд тодорхой шалтгаанаар тэмцээнд явалгүй хасагдаж. Харин сургуулийн захиргаа нь хасагдсан хүүхдийн зардлыг буцааж өгөлгүй бүтэн жил гаруй чирэгдүүлсэн гэнэ. Сүүлдээ нөгөө хүүхдийн ар гэрийнхэн хуулийн байгууллагад хандах үед л нэр хүндээ бодсон уу буцааж өгсөн гэсэн, манай сургууль “аймаар” гэсэн яриа сурагчдын дунд гарчээ.
NUUTS.mn
