Ирэх сонгуулиар 2-3 аймаг нэгдэж нэг тойрог болохыг дөрвөн “Э” дэмжжээ
Шинээр боловсруулагдаж байгаа Сонгуулийн хуулийн төсөлд дөрвөн Э-гийн тохироо хэмээх энэ зарчим ирэх сонгуулийн тулгуур нуруу болох гэнэ. АН-ын З.Энхболд. Ардын намын М.Энхболд, МАХН-ын Н.Энхбаяр, МҮАН-ын М.Энхсайхан нарын нууц зөвшилцөлөөр тохирсон энэ заалтаар 2-3 аймаг нэгдэж нэг тойрог болох аж. Урьдчилсан байдлаар Хэнтий, Дорнод Сүхбаатар гурав нэг тойрог, Увс, Ховд Баян-Өлгий нэг тойрог, Завхан, Говь-Алтай, Баянхонгор нэг тойрог, говийн гурван аймаг нэгдэж нэг тойрог, Архангай Өвөрхангай, Төв нэг тойрог, Улаанбаатар хот дангаараа нэг тойрог, Хөвсгөл Булган нэг тойрог, Дархан Эрдэнэт, Сэлэнгэ нэгдэж нэг тойрог болон сонгууль явагдах гэнэ. Жижигхэн Говь-Сүмбэрийг одоогоор аль тойрогт наахаа шийдээгүй байгаа бололтой. Ийнхүү 2-3 аймаг нэгдэж нэг тойрог болсоноор бие даагчид, жижиг намынхан, “жижиг” улстөрчид гарах боломжийг хаах зорилготой аж. Нэг бол З.Энхболд,Н.Энхбаяр шиг орон даяар танигдсан улстөрч, эсвэл С.Жавхлан шиг нийтэд алдаршсан дуучин л 2-3 аймагт зэрэг өрсөлдөж чадна. Харин “жижиг гарууд” өөрийн төрсөн аймагтаа ялж болох ч тойрогт нь багтсан нөгөө аймагтаа навс унаад гарч чадахгүй гэсэн тооцоотой байгаа аж. Ийнхүү ирэх сонгуулиар улиг болсон хэдэн нөхөд ахиад л УИХ-д орох нь сонгуулийн хуулийн өөрчлөлтийн гол зорилго гэнэ.
NUUTS.mn
