ОТ-оос өндөр “үнэтэй” өгзөгтэй од Наадамаар ирж дуулах нь…
Дэлхийн поп од ер бусын сайхан өгзөгөөрөө алдаршсан Женнифер Лопесыг энэ зуны наадамаар урьж дуулуулах тухай санал Баяр наадамын комиссд яригдаад эхэлжээ. Ийнхүү дэлхийн одуудыг мөнгө хайрлахгүй цацаж урьж дуулуулан баярхдаг “шинэ оросын” өвчин монголчуудад халджээ. Же Ло-д нэг сая доллар зарцуулахаар ярьж байгаа нь бараг хоёр тэрбум төгрөг болно. Тэр их мөнгийг тун удахгүй Азийн хамгийн том ил жорлон болж магадгүй байгаа хотын цэвэрлэх байгууламжиндаа зарцуулмаарсан. Гэсэн ч монголчуудыг хямрах тусам нь улам ихээр цац гэсэн гадаад сценари яах аргагүй явагдаад байна. Хэдхэн жилийн өмнө Оюутолгой анх “хөдлөхөд” өдөөгийн ЗГХЭГ-ын дарга С.Баярцогт тэргүүтэй улстөрчид 100 сая доллар аваад маш их “баярлаж” байсансан. Гэтэл тэр үед өдгөө урих гээд байгаа Же Ло нь өөрийнхөө өгзөгийг 200 сая доллароор даатгуулсан байсныг одоо эргээд санацгаая…Дэлхийн хэмжээний ордоо дэлхийн хэмжээний одын бүсэлхийнээс доогуур ортол нь үнэн цэнийг унагаж чаджээ.
NUUTS.mn
