Энэ гурав юу гуйж мөргөсөн бол..?
Бурхан халдуны тахилга бузгай сайхан болжээ. Энэ нь Ц.Элбэгдоржийн найман жил төрийн тэргүүний суудалд завсаргүй суусан үеийнх нь сүүлчийн тахилгын нэг. Одоо хэдэн уул тахиад л хугацаа нь дуусна. Дээд тэнгэрт хамгийн ойр хэмээгддэг овоо тахилга дээр гарсан хойноо юу хүсдэг нь сонин. Ерөнхийлөгчтөн ядарсан Монголын эдийн засагт бөөн дарамт болсон АСЕАН-ны чуулга уулзалтыг “амжилттай” сайхан болоосой хэмээн мөргөдөг байх. Сайн мөргөж гуйхгүй бол чуулганы ид үеэр тог тасарч магадгүйг саяхны явдал харууллаа. Тэгвэл НҮБ-ийн индэр лүү зүтгэх гэсэн нэг хүний нэгэн насны мөрөөдөл талаар болж болзошгүй. Ардын төрийн наадамд 10 илүү түрүүлсэн их аварга, УИХ-ын гишүүн Б.Бат-Эрдэнэ Оюутолгойг гадныханд худалдсан төрийн “хулгай” нарыг тэнгэрийн хүчээр цээрүүлж өгөхийг хүсэхийн хамт ирэх Ерөнхийлөгчийн сонгуульд ялах хүчин чадал хайрлахыг хамтад нь шивнээд амждаг байх. Хоёр томчуудын дэргэд энэ жилийн наадмын түрүү горьдсон С.Мөнхбат аваргын хүсэл жижиг биз. Гэхдээ мань эрдээ л том хүсэл гэнэ.
NUUTS.mn
