Нууц мэдээллийн уурхай

Ялалтын-70 жилийн ойн баярыг Москва дэлхийн бусад улсуудаар өөрсдийн алдар гавьяагаа магтуулах ажиллагаа болгон хувиргасан. Хамгийн их бялдуучилсан улс нь Монгол бөгөөд үүнийхаа хариуд хамгийн том доромжлол амссан нь бидний хохь юм. Ядарсан төсвөөсөө өчнөөн мөнгө гаргаж төв талбайдаа Оросыг магтсан элдэв арга хэмжээ явуулж төв телевиз нь хүртэл тусгай нэвтрүүлэг бэлдэн цацаж байсан улс өөр гараагүй байх. Ядаж байхад ялалтын параданд жагсахаар очсон хэдэн цэрэг нь орос дуу дуулж улам доошоо орлоо. Энэ бүх зусардлын үйл лай нь хөөрхий муу ерөнхийлөгчид тусаж түүнийг Путин хоёрдугаар зэрэгт хүлээн авсан бас хандсан. Тэгвэл Улаан Орос монголчуудад гаргасан дээрэнгүй зангаа Канад улсад бас харуулж. Дэлхийн шайбтай хоккейн аварга шалгаруулах тэмцээнд Канадын багт бут ниргүүлсэн Оросын хоккейчид бусдын ялалт бахархлыг хүлээн зөвшөөрөх чадваргүй Москвагийн занг жинхэнээр нь харуулжээ. Дэлхийн аварга болсон Канадын сүлд дуулал эгшиглэхэд Оросын баг бүгдээрээ талбайг орхин одож атаархан хорсож байгаагааг баталжээ.  Бүр багийн ахлах дасгалжуулагчийн дохиогоор нэгэн зэрэг хөдөлсөн нь зохион байгуулалттай ажиллагаа байсныг нотолж. Энэ нь Путлерийн их гүрний дээрэнгүй бодлого нь оросуудыг хэрхэн бусдыг үл ойшоогч эзэрхийлэгч болгон хувиргаж байгааг дэлхий дахинд тодоос тод харууллаа.

 

NUUTS.mn