Асашёорюү Д.Дагвадоржийн Д.Загдсүрэнгээс “айх” цаг нь иржээ
Нийтэлсэн: 2015-05-19 03:04:25
МҮОХ-ны ерөнхийлөгч Д.Загдсүрэнг унагах гэж Асашёорюү Д.Дагвадорж хамгийн их дайрдаг байсан нь хэдхэн сарын өмнөх явдал юм. Омогтой залуугийн дайралтанд хүчин мөхөсдсөн хөгшин ерөнхийлөгч хэрэг хийсэн хүүхэд буланд шахагддаг байлаа. Тэгвэл өдгөө хүчний харьцаа өөрчлөгдөж Д.Загдсүрэн дайрч Их аварга зугтаах болах нь. Асашёорюү Д.Дагвадоржийн сөрөг хүчин болох МЧБХ-г шинэчлэн зохион байгуулах түр хорооныхон МҮОХ-нд хандан аймшигт дарлал дор зовж байгаагаа өчөөд тусламж гуйжээ. Д.Загдсүрэн татгалзвал тэнэг хэрэг болох биз. Асашёорюү Д.Дагвадоржоос өөр өөрийх нь мууг үзэх гэсэн хүн байхгүй. Тэр л ерөнхийлөгчийг унагах гэсэн бүлэглэлийг тэргүүлдэг бас туг нь болдог. Хэрэв “хоньчныг нь намначихвал” дагаж явдаг хэдэн хонь нь тараад алга болно. Түр хорооныхон мөнгө санхүүгийн асуудлаа хаяад “медалийг мөнгөөр би авч өгдөг” гэсэн утгатай үг дээр нь тоглохоор шийдэж. Хэрвээ ОУОХ, Дэлхийн бөхийн нэгдсэн холбоо хүртэл өндөр авахуулж чадвал том асуудал болно. Энэ тал дээр л дэмжлэг хүссэн бололтой. Ийнхүү хүнд байдалд орсон Их аварга юун Д.Загдсүрэнг огцруулах манатай болоод байна.
NUUTS.mn
