“Оюу толгой”-н далд уурхайн олборлолтийн гэрээг яагаад Дубайд хийв…
“Эрдэнэс МГЛ”-ын захирал Б.Бямбасайхан хаа холын Дубайд очиж Монгол Улсын Засгийн газрыг төлөөлөн “Туркойз Хилл Ресурс” болон “Рио Тинто” компанитай Оюу толгойн далд уурхайн бүтээн байгуулалтыг үргэлжлүүлэх гэрээнд гарын үсэг зуржээ. Түүний марсайтал инээж байгаагаас нь харахад нэлээд гайгүй гэрээ хийчихэж. Гэхдээ Монгол улс, монголчуудад ашигтай юж гэдэг нь л бидэнд чухал. Энэ гэрээнд гарын үсэг зурсанаар төслийн санхүүжилтийг эцэслэх, техник эдийн засгийн үндэслэлийг дахин хянах, батлуулах, шаардлагатай бүх зөвшөөрлийг авахад тус тус голлон төвлөрч ажиллахаар болж далд уурхайн бүтээн байгуулалтыг үргэлжлүүлэхээр болжээ. Сонсоход таатай мэт боловч дагаад хоёрдахь “гайхамшигт гэрээ” болсон юм биш гэсэн айдас төрлөө. Энэ чухал гэрээг яагаад хаа холын Персийн буланд Дубайд хийсэн юм бол…яагаад Улаанбаатард хэлэлцэж тохироогүй вэ гэдэг асуулт гарч ирж байна. Дубайд очсон манайхан мэдээж дарамт шахалтанд орсоныг мөн гадныхан оруулах гэснийг үгүйсгэх аргагүй. Тэгээд ч “Эрдэнэс МГЛ”-ын захирал Б.Бямбасайхан тэргүүтэнд ийм чухал гэрээг хийх мэдлэг туршлага бий юу гэдэг нь эргэлзээтэй. Тэрээр Шинэчлэлийн Засгийн газрын үед эдийн засгийг эрчимжүүлэх “ЭЗЭН-100” хөтөлбөрийг ахалж байсан. Эцэст нь эдийн засаг эрчимжээгүй бүр унасан агаад одоо “Станд бай”-д орох уу гээд яриад сууж байна.
NUUTS.mn
